فوتو: اشىق دەرەككٶز
قازاقستاننىڭ مەدەنيەتٸ تاعى بٸر بيٸك بەلەستٸ باعىندىردى. وپەرا ەنشٸسٸ ەيگەرٸم التىنبەك يتالييادا ٶتكەن XI حالىقارالىق Concorso Lirico Internazionale di Portofino (CLIP) 2025 ۆوكالدىق بايقاۋىندا ابسوليۋتتٸ جەڭٸمپاز اتاندى. بۇل تۋرالى مەدەنيەت جەنە اقپارات مينيسترلٸگٸ مەلٸمدەدٸ, دەپ حابارلايدى Ult.kz.
ەيگەرٸم بٸرٸنشٸ ورىندى عانا ەمەس, سونداي-اق:
-
«كٶرەرمەن كٶزايىمى»,
-
«ٷزدٸك ەيەل داۋىسى»,
-
اتاقتى مۋزىكا سىنشىسى كارلو مايەردىڭ ارنايى جٷلدەسٸن يەلەندٸ.
بۇل – ورتالىق ازييا تاريحىندا العاش رەت اتالمىش بايقاۋدا مۇنداي اۋقىمدى جەڭٸسكە جەتكەن ٶنەرپاز. قازىلار القاسىنىڭ تٶراعاسى دومينيك مەيەردٸڭ ايتۋىنشا, «ەيگەرٸم سايىس باستالعالى بارلىق قازىلار رەيتينگٸندە ٷزدٸك بولدى. مۇنداي جاعداي ٶتە سيرەك كەزدەسەدٸ جەنە كٶرەرمەننٸڭ دە تاڭداۋىنىڭ ەدٸل بولعانىن ايعاقتايدى».
فينالعا ەلەمنٸڭ تٷكپٸر-تٷكپٸرٸنەن 200-گە جۋىق ٶتٸنٸم ٸشٸنەن بار بولعانى 10 ۆوكاليست ٶتكەن. ولار پورتوفينو قالاسىنىڭ ورتالىق الاڭىندا, Teatro Carlo Felice وركەسترٸنٸڭ سٷيەمەلدەۋٸمەن ٶنەر كٶرسەتتٸ.
«ٷزدٸك ەيەل داۋىسى» جٷلدەسٸن ەيگەرٸمگە چيليدەگٸ يبانەس-اتكينسون قورى تابىستادى. بۇل – ەلەم بويىنشا جاس دارىندى ۆوكاليستەردٸ قولدايتىن حالىقارالىق ۇيىم. ايتا كەتەيٸك, ەيگەرٸم – وڭتٷستٸك امەريكا قۇرلىعىندا قولداۋ تاپقان تۇڭعىش ەۋروپالىق ەمەس ەنشٸ.
ساراپشىلار بۇل جەڭٸستٸ قازاقستاندىق ۆوكال مەكتەبٸنٸڭ حالىقارالىق دەڭگەيدە مويىندالۋى دەپ باعالاپ وتىر. ەيگەرٸمگە شەت ەلدەردە شىعارماشىلىق مٷمكٸندٸكتەرٸن كەڭەيتۋگە باعىتتالعان بٸرنەشە كەسٸبي ۇسىنىستار جاسالعان.
ەسكە سالايىق, CLIP – ۆەنا وپەراسى, لا سكالا, مەتروپوليتەن سىندى ەلەمدٸك تەاترلاردىڭ جەتەكشٸلەرٸ قاتىساتىن ەلەمدەگٸ ەڭ بەدەلدٸ ۆوكالدىق بايقاۋلاردىڭ بٸرٸ.
