قازاقستاندىق «نيك ۆۋيچيچ» اتانعان ەلي تۇرعانبەكوۆ ٶز قولىمەن اعىلشىننىڭ ليۆەرپۋل ويىنشىلارىنا ۋەفا سۋپەركۋبوگىن تابىستادى, دەپ حابارلايدى قازاقپارات.
ەلي جەڭٸمپازدارعا كۋبوكتى تابىستاۋ رەسٸمٸن ۋەفا پرەزيدەنتٸ الەكساندەر چەفەرينمەن بٸرگە ٶتكٸزدٸ. فينالدا «ليۆەرپۋل» ٶزٸنٸڭ «چەلسيدٸ» پەنالتي قورىتىندىسى بويىنشا جەڭگەن بولاتىن.
ەكٸ اياقسىز دٷنيەگە كەلگەن ەلي تۇرعانبەكوۆ «چەلسي» جەنە «ليۆەرپۋل» فۋتبول كوماندالارىنىڭ جۇلدىزدارىمەن كەزدەسەتٸنٸ بۇعان دەيٸن حابارلانعان بولاتىن.
«دوستار, مەن ۋەفا-نىڭ سۋپەركۋبوگىنا شاقىرتۋ الدىم. وندا چەمپيوندار ليگاسى مەن ەۋروپا ليگاسىنىڭ ٶتكەن ماۋسىمداعى جەڭٸمپازدارى - «ليۆەرپۋل» مەن «چەلسي» كەزدەسەدٸ. قۋانىشىمدا شەك جوق», - دەپ بٶلٸسكەن ەدٸ ەلي ٶز قۋانىشىمەن Instagram-داعى پاراقشاسىندا.
«ليۆەرپۋل» جاڭا ەۋروماۋسىمدى اشار ماتچىن «چەلسيمەن» ىستانبۇلدا وينادى. تٷرٸك جۇرتىنا بارىپ قايتقانشا ەليدٸڭ پاراقشاسى مۇحاممەد سالاح, روبەرتو فيرمينو سەكٸلدٸ جۇلدىزدارمەن, كوماندانىڭ باس باپكەرٸ يۋرگەن كلوپپەن تٷسكەن سۋرەتتەرمەن تولدى.
ەلي تٸپتٸ ەيگٸلٸ فۋتبول جۇلدىزى ليونەل مەسسيمەن دە كەزدەسٸپ, فوتوسۋرەتكە تٷسكەن. وعان دەيٸن ەليدٸ فرانتسۋزدىڭ «پاري-سەن-جەرمەن» كومانداسىنىڭ جۇلدىزدارى كيلليان مباپپە, ەدينسون كاۆاني مەن نەيمار شاقىرعان ەدٸ.
ال 2017 جىلدىڭ جەلتوقسان ايىندا ەلي ٶزٸنٸڭ كۋميرٸ نيك ۆۋيچيچپەن جٷزدەسكەن بولاتىن.
