قازاقستاندىق «مۇزبالاق» كارتيناسى ەكٸ بٸردەي كينوفەستيۆالدە ولجالى بولدى, دەپ حابارلايدى "ۇلت اقپارات".
«قازاقفيلم» كينوستۋديياسى شىعارعان «مۇزبالاق» تولىقمەتراجدى انيماتسييالىق فيلمٸ دٷنيەجٷزٸ كٶرەرمەندەرٸنٸڭ جٷرەگٸن جاۋلاپ جاتىر.
«كٷنٸ كەشە «مۇزبالاق» بٸردەن ەكٸ فەستيۆالدە – ستوكگولمداعى كينو جەنە تەلەديدار فەستيۆالٸندە (شۆەتسييا) جەنە «التىن ارا» بالالار فيلمدەرٸنٸڭ حالىقارالىق كينوفەستيۆالٸندە (ٷندٸستان, نيۋ-دەلي) «ٷزدٸك انيماتسييالىق فيلم» اتالىمىندا توپ جاردى. شىعارماشىلىق توپتى وسى جەتٸستٸگٸمەن قۇتتىقتايمىز جەنە كٶپتەگەن جاڭا جەڭٸستەر تٸلەيمٸز» دەپ جازدى «قازاقفيلم» كينوستۋديياسى Facebook پاراقشاسىندا.
ايتا كەتەيٸك, «مۇزبالاق» انيماتسييالىق فيلمٸ 2018 جىلى تٷسٸرٸلگەن. رەجيسسەرٸ - تۇردىبەك مايدان, تٸلەك تٶلەۋعازى. ستسەناريي اۆتورلارى - ەربول بورانشى, تۇردىبەك مايدان, تٸلەك تٶلەۋعازى, اداي ەبٸلدا.
ەرتە زاماندا قارا نيەتتٸ شەگٸردٸڭ كەسٸرٸنەن جەر استىنداعى ەبجىلان ويانىپ, جەر بەتٸنە شىعادى. ەبجىلان قازاق اۋىلىن وتقا وراپ, قارسى كەلگەندٸ جالماپ, ەل ٸشٸنە ٷرەي تۋعىزادى.
سول سەتتە بالاپانىنا قاۋٸپ تٶنگەنٸن سەزگەن انا بٷركٸت ەبجىلانمەن ايقاسىپ, ونى جەر استىنداعى مەكەنٸنە قۋىپ تىعادى. ال بٷركٸت وتقا ورانعان ۇيادان بالاپانىن الىپ, الىسقا ۇشىپ كەتەدٸ.
ادام جۇتىپ دەنٸككەن ەبجىلان كٷن تۇتىلعاندا الىپ ايداھارعا اينالىپ جەر بەتٸنە شىعاتىنىن بٸلگەن اۋىل ادامدارى ايداھاردى تەك قىران بٷركٸت قانا جەڭە الاتىنىن تٷسٸنٸپ, ٸزدەۋگە اتتانادى. مۇزبالاقتى اقتاي مەن شەگٸر ٸزدەپ تابادى.
بٸراق توعىشار شەگٸر مەن اقىلدى, اق جٷرەك اقتاي اراسىندا قىراندى باپتاۋ تۋرالى ەكٸ تٷرلٸ كٶزقاراس تۋىندايدى. مۇزبالاقتىڭ جان دٷنيەسٸن تٷسٸنٸپ, تٸلٸن تاپقان اقتاي مۇزبالاققا ەركٸندٸك سىيلاپ, ونىمەن ادال دوس بولۋعا سەرتتەسەدٸ.
