فوتو: tripadvisor.ru
رەسەيدٸڭ فەدەرالدىق مونوپوليياعا قارسى قىزمەتٸ (فمقق) قازاقستاندىق "م حولدينگ لتد" كومپانيياسىنا امەريكالىق Morgan Stanley قورىنان مەسكەۋدەگٸ "مەتروپوليس" ساۋدا ويىن-ساۋىق ورتالىعىن ساتىپ الۋعا رۇقسات بەردٸ, - دەپ حابارلايدى Tengrinews.kz پورتالى.
"فمقق "م حولدينگ لتد" كومپانيياسىنىڭ مەسكەۋدەگٸ لەنينگراد شوسسەسٸندەگٸ "مەتروپوليس" ساۋدا ورتالىعىن ساتىپ الۋ تۋرالى ٶتٸنٸشٸن قاناعاتتاندىردى. "م حولدينگ لتد" حولدينگ قىزمەتٸن جٷرگٸزەتٸن قازاقستاندىق كومپانييا. ۆەدومستۆو مەلٸمەتٸنشە, مەمٸلە كوممەرتسييالىق جىلجىمايتىن مٷلٸكتٸ جالعا بەرۋ نارىعىنداعى بەسەكەلەستٸك جاعدايىنا ەسەر ەتپەيدٸ", - دەلٸنگەن رەسەيدٸڭ مونوپوليياعا قارسى اگەنتتٸگٸنٸڭ Telegram-كانالىندا.
مەمٸلەنٸڭ قۇنى بەلگٸسٸز.
ايتا كەتەيٸك, "مەتروپوليس" ساۋدا ورتالىعى 2009 جىلى اشىلعان. ونىڭ جالپى اۋدانى 209 مىڭ شارشى مەتر, جالعا الىنعانى – 82 مىڭ شارشى مەتر.
اشىق دەرەككٶزدەردە "م حولدينگ لتد" اتاۋى بار قازاقستاندىق كومپانييا تۋرالى اقپارات جوق. سونىمەن قاتار, رەسەيلٸك كونتراگەنتتەردٸ تەكسەرۋ جەنە تالداۋ قىزمەتتەرٸندە زاڭدى مەكەنجايى يجەۆسك قالاسىندا (ۋدمۋرت رەسپۋبليكاسى, رەسەي) ورنالاسقان "م حولدينگ لتد" كومپانيياسى تۋرالى اقپارات بار. سونداي-اق, بۇل ۇيىم 2016 جىلدىڭ جەلتوقسانىندا تاراتىلعانى كٶرسەتٸلگەن.
