قازاقستاندىق عالىمدار قولجەتٸمدٸ دەزينفەكتسييالىق قۇرال جاساپ شىعاردى. بۇل تۋرالى ۇعا پرەزيدەنتٸ مۇرات جۇرىنوۆتىڭ «Egemen Qazaqstan» گازەتٸندە جارييالانعان ماقالاسىندا ايتىلعان, دەپ حابارلايدى "ۇلت اقپارات".
«...دٷنيەجٷزٸلٸك دەنساۋلىق ساقتاۋ ۇيىمى (ددۇ) اقش جەنە جاپونييا عالىمدارى ەزٸرلەگەن ۆيرۋسقا قارسى دەزينفەكتسييالاۋ قۇرالدارىن, انتيۆيرۋستىق سانيتايزەرلەر ۇسىندى. ولار بارلىق ۆيرۋستارمەن قاتار, دەل COVID-19 ۆيرۋسىن جويۋ ارقىلى ٶتە تيٸمدٸ جۇمىس اتقارادى. الايدا ولاردىڭ قۇرامىنا كٸرەتٸن كەيبٸر كومپونەنتتەر – حيمييالىق زاتتار قازاقستاندا جوق نەمەسە جەتكٸزٸلۋٸ قيىن. سوندىقتان ولاردىڭ بيولوگييالىق انتيۆيرۋستىق بەلسەندٸلٸگٸن ساقتاي وتىرىپ, قولجەتٸمدٸ باسقا حيميكاتتارعا اۋىستىرۋ كەرەك بولدى. بۇل تاپسىرمانى د. سوكولسكيي اتىنداعى جانارماي, كاتاليز جەنە ەلەكتروحيمييا ينستيتۋتىنىڭ عالىمدارى قولعا الدى. ولار ونداعان تٷرلٸ حيمرەاكتيۆتەردٸ سىناپ, انتيۆيرۋستىق سانيتايزەرلەردٸڭ ەرتٷرلٸ دەزينفەكتسييالىق قۇرامدارىن جاسادى. بٸلٸم جەنە عىلىم مينيسترٸ ا.ايماعامبەتوۆتىڭ قولداۋىمەن ۇلتتىق بيوتەحنولوگييالىق ورتالىقتا (نۇر-سۇلتان ق.), سونىمەن قاتار ۆيرۋسولوگييا جەنە ميكروبيولوگييا ينستيتۋتىندا (الماتى ق.) سىناقتان ٶتكٸزدٸ. بٸز كارانتين كٷندەرٸ بٸر توپ عالىمدارعا جۇمىس ٸستەۋگە رۇقسات ەتكەن الماتى جەنە نۇر-سۇلتان قالالارىنىڭ ەكٸمدٸكتەرٸنە العىس ايتامىز. سونىڭ نەتيجەسٸندە, حيمييالىق-بيولوگييالىق زەرتتەۋلەر كٶرسەتكەندەي, ددۇ سانيتايزەرلەرٸنەن ەشقانداي كەمشٸلٸگٸ جوق, اسا تيٸمدٸ, سونداي-اق قولجەتٸمدٸ دەزينفەكتسييالىق قۇرالدار جاسالىپ شىقتى...» دەپ جازادى عالىم ماقالاسىندا.
مۇرات جۇرىنوۆتىڭ ايتۋىنشا, سانيتايزەرلەرگە قويىلاتىن باستى تالاپ – ۆيرۋستاردى جەدەل تٷردە جەنە تولىق جويۋ.
«...ادامنىڭ يممۋنيتەتٸ مەن فيزيكالىق كٷيٸن كٶتەرەتٸن بەلگٸلٸ تەسٸلدەردٸڭ ماڭىزى زور. سونداي-اق قورقىنىش پەن پەسسيميزمنەن دە ارىلۋ كەرەك. قازاقستان جوعارى بٸلٸمدٸ, عىلىمى مەن مەدەنيەتٸ دامىعان مەملەكەت ەكەنٸن ۇمىتپاۋىمىز كەرەك. ال جالپى العاندا, بٸز ينتەللەكتۋالدىق دەڭگەيدٸڭ دامۋى بويىنشا ازييا قۇرلىعىنداعى جاپون, قىتاي, وڭتٷستٸك كورەيا ەلدەرٸنەن عانا قالىسپىز. باسقا مەملەكەتتەر بٸزبەن تەڭ نەمەسە ارتتا. بۇل – ٷلكەن جەتٸستٸك!» - دەپ تٷيٸندەيدٸ عالىم ماقالاسىن.
