قازاقستاننىڭ ەكولوگييالىق ۇيىمدارى قاۋىمداستىعى ەلدەگٸ قالدىق پوليگوندارى مەن ستيحييالى قوقىس ورىندارى مەسەلەسٸ تۋراسىندا مەلٸمدەمە جاسادى, دەپ حابارلايدى قازاقپارات.
قاۋىمداستىقتىڭ تٶرايىمى ايگٷل سولوۆەۆانىڭ ايتۋىنشا, قازاقستاندا 2932 قوقىس پوليگوندارى تٸركەلگەن. ونىڭ تەك 509-ى, ياعني 17%-ى عانا ەكولوگييالىق نورمالارعا ساي كەلەدٸ. وعان قوسا, تەك زاڭداستىرىلعان پوليگونداردا جىل باسىنان بەرٸ 40 ٶرت بولعان: 17-سٸ شىعىس قازاقستان وبلىسىندا, بەسەۋٸ – اقتٶبە وبلىسىندا, تٶرتەۋٸ الماتى وبلىسىندا, ٷشەۋٸ پاۆلودار وبلىسىندا, سونداي-اق ماڭعىستاۋ, اتىراۋ, تٷركٸستان وبلىستارىندا بولىپ ٶتكەن.
سوڭعى ٷش ايدا قاۋىمداستىققا اقتاۋ, ٶسكەمەن, سەمەي, اتىراۋ, تٷركٸستان جەنە ٶزگە دە ٶڭٸرلەردەن جانعان پوليگوندار بٸرنەشە كٷن تٷتٸندەگەنٸ جەنە سانكتسييالانباعان قوقىس ورىندارىندا ٶرتتەر قايتالانعانى جٶنٸندە ونداعان شاعىمدار كەلٸپ تٷسكەن. «تۇرعىندار ٷيلەردٸڭ تەرەزەسٸن اشۋ مٷمكٸن بولماق تۇرماق, دەنساۋلىق جاعدايلارىنىڭ ناشارلاپ كەتكەنٸن جەتكٸزۋدە. جانۋ – بۇل جىلۋ مەن گازدار بٶلەتٸن حيمييالىق رەاكتسييا. قوقىس قۇرامى ەرتٷرلٸ بولعاندىقتان, بٶلٸنەتٸن توكسيندەردٸڭ دە كٶلەمٸ نورمادان بٸرنەشە ەسەگە اسادى», - دەيدٸ ەكولوگ.
«مەسەلەنٸ ۋشىقتىراتىنى – تەۋەلسٸزدٸك جىلدارىن قوسقاندا ەل تاريحىندا ناقتى قانداي كٶلەمدە قوقىس جينالعانى تۋرالى اقپارات مٷلدە جوق. تەك رەسمي دەرەكتەرگە سەيكەس سانكتسييالانباعان قوقىس ورىندارىنىڭ سانى 8,5 مىڭعا جەتٸپ وتىر. سونىمەن قاتار قوقىستىڭ قۇرامىنداعى زيياندى جەنە ۋلى كومپونەنتتەردٸڭ قۇرامى جەنە مورفولوگيياسى دا بەلگٸسٸز. پارنيكتٸك گازداردىڭ, زيياندى زاتتاردىڭ اۋاعا تاراپ, جەرگە سٸڭٸپ, جەر استى سۋلارىن زاقىمداۋىن ٶلشەيتٸن زاماناۋي قۇرىلعىلاردىڭ شەكتەۋلٸلٸگٸ دە جاعدايدى انىقتاۋعا كەدەرگٸ كەلتٸرۋدە. توكسيندٸ, ۋلى زاتتاردىڭ دەڭگەيٸن انىقتايتىن جٷيەلٸ زەرتتەۋلەردٸڭ جوقتىعى, ولاردىڭ ادام اعزاسى مەن دەنساۋلىعىنا ەسەرٸ دە – كٶكەيتەستٸ مەسەلە», - دەيدٸ ايگٷل سولوۆەۆا.
ول دامىعان ەلدەر سيياقتى قوقىستاردى مەڭگەرۋدٸڭ زاماناۋي تولىققاندى جٷيەسٸن جولعا قويىپ, تسيكلدٸ ەكونوميكاعا كٶشٸپ, ەڭ مىقتى, قاۋٸپسٸز ەلەمدٸك پراكتيكالاردى ەنگٸزۋٸمٸز كەرەكتٸگٸنە كەمٸل سەنٸمدٸ.
ايگٷل سولوۆەۆا 100-دەن اسا قوعامدىق ۇيىمداردى بٸرٸكتٸرەتٸن قاۋىمداستىق اتىنان ەكولوگييالىق بەلسەندٸلەرگە, ەكولوگييا, گەولوگييا جەنە تابيعي رەسۋرستار مينيسترلٸگٸنە جەنە قر ٷكٸمەتٸنە, پارلامەنت دەپۋتاتتارىنا سانكتسييالانباعان, ستيحييالى قوقىس ورىندارىن ۇيىمداستىرۋشىلاردىڭ جازاسىن ۇلعايتۋ ٷشٸن قر زاڭناماسىنا تولىقتىرۋلار ەنگٸزۋدٸ ۇسىندى. ٶز تاراپىنان قازاقستاننىڭ ەكولوگييالىق ۇيىمدار قاۋىمداستىعى قۇقىقتىق جەنە اقپاراتتىق كٶمەك كٶرسەتۋگە دايىن ەكەنٸن اتاپ ٶتتٸ.
