فوتو: depositphotos.com
ەلٸمٸزدە تٸركەلگەن 400-دەن استام بلوگەر 2023 جىلى 200 ملن تەڭگەدەن استام سالىق تٶلەگەن. بۇل تۋرالى پرەمەر-مينيستردٸڭ ورىنباسارى – قارجى مينيسترٸ ەرۇلان جاماۋباەۆ مەلٸمدەدٸ, - دەپ حابارلايدى Sputnik قازاقستان.
جاماۋباەۆ موبيلدٸ اۋدارىمدارعا قاتىستى سۇراقتارعا جاۋاپ بەردٸ.
"كەيبٸر مەديا رەسۋرستار مەن بلوگەرلەردٸڭ اراسىندا دونات رەتٸندە حالىقتان اقشا جيناپ, جۇمىس ٸستەپ جاتقاندارى بار. ولار نە ٸستەۋٸ كەرەك? بۇل تەۋەلسٸز جۋرناليستيكاعا تۇساۋ سالماي ما?", - دەگەن ساۋال قويىلدى مينيسترگە.
ونىڭ ايتۋىنشا, تەۋەلسٸز جۋرناليستيكاعا ەشقانداي تۇساۋ بولمايدى.
"قازٸردٸڭ ٶزٸندە بٸزدە 400-دەن اسا بلوگەر تٸركەلگەن. 2023 جىلى ولار 200 ميلليون تەڭگەدەن اسا سالىق تٶلەدٸ. ەگەر دە ولاردىڭ قىزمەتٸ كەسٸپكەرلٸكپەن بايلانىستى بولسا, ەرينە, ولار سالىق تٶلەۋگە تيٸس. وعان ارنايى سالىق رەجيمدەرٸ بار – 1 پايىزدان 4 پايىزعا دەيٸن. ەگەر دە ولاردىڭ جۇمىسى تٸكەلەي كەسٸپكەرلٸكپەن بايلانىستى بولماسا, ولارعا ەشقانداي سۇراق تۋىندامايدى جەنە سالىق تٶلەنبەيدٸ", - دەدٸ جاماۋباەۆ.
سونىمەن قاتار, مينيستردٸڭ ايتۋىنشا, اۋىر سىرقاتتانعان تۋىستارىنىڭ ەمٸنە اقشا جينايتىن ازاماتتار دا سالىق تٶلەۋگە مٸندەتتەلمەيدٸ.
"ونداي قاراجات كەسٸپكەرلٸككە جاتپايدى. سوندىقتان بٸز ونداي اۋدارىمداردى تەكسەرمەيمٸز جەنە ودان سالىق الىنبايدى. ەگەر دە ول كريتەرييلەر بويىنشا سالىق ورگاندارىنىڭ نازارىنا ٸلٸنسە, بٸز تيٸستٸ اقپاراتتى سۇراتامىز. سالىق ورگاندارى كٶز جەتكٸزگەننەن كەيٸن, ەرينە, بۇل فاكتٸلەر بويىنشا ەشقانداي سۇراق تۋىندامايدى", - دەپ اتاپ ٶتتٸ ۆيتسە-پرەمەر.
