ەلٸمٸزدە ەسكەري بٸتٸمگەرلەردٸ دونباسقا جٸبەرۋ مەسەلەسٸ كٶتەرٸلگەن ەمەس. بۇل تۋرالى قورعانىس مينيسترٸنٸڭ ورىنباسارى, گەنەرال-لەيتەنانت سۇلتان كامالەتدينوۆ مەلٸم ەتتٸ, دەپ حابارلايدى قازاقپارات.
بٷگٸن ورتالىق كوممۋنيكاتسييالار قىزمەتٸ الاڭىندا ٶتكەن باسپاسٶز مەسليحاتى بارىسىندا تٸلشٸ «ەگەر ۇجىمدىق قاۋٸپسٸزدٸك شارت تۋرالى ۇيىم (ودكب) دونباسقا ەسكەري بٸتٸمگەرلەردٸ جٸبەرۋ تۋرالى شەشٸم قابىلداسا, قازاقستاندىق بٸتٸمگەرلەر قاتىسا ما?», - دەگەن ساۋال قويدى. تٸلشٸ ساۋالىنا قورعانىس مينيسترٸنٸڭ ورىنباسارى, گەنەرال-لەيتەنانت سۇلتان كامالەتدينوۆ جاۋاپ بەردٸ.
«گەوساياسي جاعدايعا بايلانىستى اتالعان مەسەلە بارشا قازاقستاندىقتاردى الاڭداتىپ وتىرعان سەكٸلدٸ. ايتا كەتەتٸن جايت, قازاقستاندىق قارۋلى كٷشتەردٸڭ ەلدەن تىس جەردەگٸ شارالارعا قاتىسۋى تۋرالى الدىن الا جازىلىپ, نورماعا ساي بەكٸتٸلگەن. قارۋلى كٷشتەردٸڭ بٸتٸمگەرلٸك وپەراتسييالارعا قاتىسۋى تەك بۇۇ قاۋٸپسٸزدٸك كەڭەسٸنٸڭ رەزوليۋتسيياسى بويىنشا عانا جٷزەگە اسىرىلادى», - دەدٸ سۇلتان كامالەتدينوۆ.
ونىڭ ايتۋىنشا, بۇۇ رەزوليۋتسييا جارييالاعان جاعدايدىڭ ٶزٸندە مەسەلە الدىمەن ەل ٸشٸندە تالقىعا سالىنادى.
«مەملەكەت باسشىسى رەزوليۋتسييانى نەگٸزگە الا وتىرىپ, مەسەلەنٸ پارلامەنتتٸڭ الدىنا شىعارادى. ەگەر پارلامەنت بەكٸتسە, وندا ەسكەري بٸتٸمگەرلەردٸ قاتىستىرۋ شەشٸمٸ قابىلدانۋى مٷمكٸن. دەگەنمەن, قازٸر دونباسقا ەسكەري بٸتٸمگەرلەر جٸبەرۋ مەسەلەسٸ قارالىپ جاتقان جوق. ەشقانداي كەلٸسٸم نەمەسە كەلٸسسٶز دە جٷرٸپ جاتقان جوق», - دەيدٸ ول.
