2021 جىلدىڭ قاراشاسىندا ەدٸلەت مينيسترلٸگٸ تٶلەمدەر سوماسىن قايتا قاراۋعا زاڭدى نەگٸز جوق ەكەنٸ تۋرالى قورىتىندى شىعارعان, ٶيتكەنٸ زاڭ نورمالارى ونى قابىلداعانعا دەيٸن تۋىنداعان قۇقىقتىق قاتىناستارعا قولدانىلمايدى. سول جىلدىڭ جەلتوقسانىندا مەدەنيەت جەنە سپورت مينيسترلٸگٸنٸڭ سپورت جەنە مەدەنيەت ٸستەرٸ كوميتەتٸ دەنيس ۋلانوۆقا تٶلەمدەردٸ قايتا قاراۋعا نەگٸز جوق دەگەن جاۋاپ جولداعان. وسىعان بايلانىستى زٸلتەمٸرشٸ مەدەنيەت جەنە سپورت مينيسترلٸگٸن تٶلەم سوماسىن قايتا قاراۋعا مەجبٷرلەۋ تۋرالى سوتقا شاعىم تٷسٸرگەن.
سوت مەلٸمەتٸنشە, "دەنە شىنىقتىرۋ جەنە سپورت تۋرالى" زاڭنىڭ 45-بابىندا حالىقارالىق وليمپيادا كوميتەتٸ جوعارى سپورت جٷلدەسٸن بەرگەن كەزدە حالىقارالىق سپورت جارىستارىنىڭ چەمپيوندارى مەن جٷلدەگەرلەرٸن اقشالاي كٶتەرمەلەۋ سومالارى قايتا قارالاتىنى كٶرسەتٸلگەن. بۇل ەرەجە 2019 جىلدىڭ 13 جەلتوقسانىنان باستاپ قولدانىسقا ەنگٸزٸلگەن.
مەدەنيەت جەنە سپورت مينيسترلٸگٸنٸڭ تٶلەمدەر سوماسىن قايتا قاراۋدان باس تارتۋ نەگٸزدەرٸندە زاڭ نورماسىنىڭ كەرٸ كٷشٸ جوقتىعى, سوندىقتان داۋلى قۇقىقتىق قاتىناستارعا قولدانۋعا بولمايتىنى كٶرسەتٸلگەن. "قۇقىقتىق اكتٸلەر تۋرالى" زاڭعا سەيكەس, نورماتيۆتٸك قۇقىقتىق اكتٸ زاڭ نورماسى ازاماتتاردىڭ جاعدايىن جاقسارتۋعا باعىتتالعان جاعدايدا, ول كٷشٸنە ەنگەنگە دەيٸن تۋىنداعان قاتىناستارعا دا تارالادى. قولدانىستاعى زاڭ تٶلەمدەر سوماسىن قايتا قاراۋ مٸندەتٸن قاراستىرادى.
"نۇر-سۇلتان قالاسىنىڭ مامانداندىرىلعان اۋدانارالىق ەكٸمشٸلٸك سوتىنىڭ 2022 جىلعى 10 ناۋرىزداعى قاۋلىسى بويىنشا تالاپ ارىز قاناعاتتاندىرىلدى, تٶلەمدەر سوماسىن قايتا قاراۋدان باس تارتۋ زاڭسىز دەپ تانىلدى. سوت مەدەنيەت جەنە سپورت مينيسترلٸگٸنە تٶلەمدەر سوماسىن قايتا قاراۋدى مٸندەتتەدٸ", - دەلٸنگەن حابارلامادا.
شەشٸم زاڭدى كٷشٸنە ەنگەن جوق.
ەسكە سالايىق, دەنيس ۇلانوۆ 2016 جىلى ريو-دە-جانەيرودا (برازيلييا) ٶتكەن وليمپيادا ويىندارىندا اۋىر اتلەتيكادان 85 كەلٸگە دەيٸنگٸ سالماق دەرەجەسٸندە تٶرتٸنشٸ بولعان. سپورتشى جۇلقي كٶتەرۋدە 175 كەلٸنٸ, سەرپە كٶتەرۋدە 215 كەلٸنٸ (بارلىعى 390 كەلٸ) باعىندىرىپ, گابريەل سىنكرەيانمەن تەڭ تٷسكەن. الايدا ونىڭ قارسىلاسى جەڭٸلٸرەك بولعاندىقتان وليمپيادانىڭ قولا جٷلدەگەرٸ اتانعان, ال ۇلانوۆ 4 ورىندى يەلەندٸ.
الايدا, كەيٸن گابريەل سىنكرەيان دوپينگ قولدانعانى ٷشٸن ديسكۆاليفيكاتسييالاندى جەنە قولا مەدال ۇلانوۆقا رەسمي تٷردە بەرٸلگەن. 2018 جىلدىڭ قاراشاسىندا اشحابادتا ٶتكەن ەلەم چەمپيوناتىندا حالىقارالىق اۋىر اتلەتيكا فەدەراتسيياسىنىڭ IWF پرەزيدەنتٸ تاماش ايان كٶپتەن كٷتكەن جٷلدەنٸ ۇلانوۆقا تاپسىرعان.
