فوتو: Gov.kz
قازاقستاندىق وپەرا ەنشٸسٸ ەيگەرٸم التىنبەك يتالييادا ٶتٸپ جاتقان XI حالىقارالىق CLIP (Concorso Lirico Internazionale di Portofino) وپەرا ەنشٸلەرٸنە ارنالعان بايقاۋدىڭ فينالىنا شىقتى, دەپ حابارلايدى Ult.kz.
22–27 شٸلدە ارالىعىندا پورتوفينو قالاسىندا ۇيىمداستىرىلعان بۇل بايقاۋ – 32 جاسقا دەيٸنگٸ ورىنداۋشىلار ٷشٸن ەلەمدەگٸ ەڭ بەدەلدٸ مۋزىكالىق دودالاردىڭ بٸرٸ.
ەيگەرٸم ەلەمنٸڭ 50-گە جۋىق ەلٸنەن كەلگەن 92 ٷمٸتكەردٸڭ اراسىنان سۋىرىلىپ شىعىپ, فينالعا جولداما الدى. بايقاۋ بٸرنەشە كەزەڭنەن تۇرادى: الدىمەن قاتىسۋشىلار الدىن الا تىڭداۋدان ٶتەدٸ, كەيٸن وركەستردٸڭ سٷيەمەلدەۋٸمەن پورتوفينونىڭ ورتالىق الاڭى – Piazzetta di Portofino-دا ٶنەر كٶرسەتەدٸ. فينال سالتاناتتى گالا-كونتسەرتپەن قورىتىندىلانادى.
قازىلار القاسىنىڭ قۇرامىندا «La Scala» (ميلان), وپەرا دە مونتە-كارلو, كولون تەاترى (بۋەنوس-ايرەس), مادريدتەگٸ كورول تەاترى مەن ۆيسبادەن مەملەكەتتٸك تەاترى سيياقتى ەيگٸلٸ ٶنەر وشاقتارىنىڭ جەتەكشٸلەرٸ بار.
ەيگەرٸم التىنبەك بۇعان دەيٸن دە حالىقارالىق دەڭگەيدەگٸ بٸرقاتار جەتٸستٸكتەرٸمەن تانىلعان. ول يتالييادا ٶتكەن نيكولاي گياۋروۆ اتىنداعى بايقاۋدا ٷشٸنشٸ ورىن يەلەنٸپ, اتاقتى وپەرa ەنشٸسٸ ميرەللا فرەني اتىنداعى ارنايى ماراپاتقا يە بولدى. سونىمەن قاتار, ميلاننىڭ ەيگٸلٸ «لا سكالا» تەاترىنىڭ جاستار باعدارلاماسىنا قابىلدانىپ, الداعى ەكٸ جىل بويى وسى تەاتردا بٸلٸم الادى. ماۋسىم ايىندا ول وپەرا ٶنەرٸنٸڭ اڭىزدارى حوسە كاررەراس پەن اندرەا بوچەلليمەن بٸرگە بٸر ساحنادا ەن شىرقادى.
