قازاقستان الپينيستەرٸ تيان-شان تاۋىندا جوعالعان ەرٸپتەستەرٸن ٸزدەۋگە اتتانباق, دەپ حابارلايدى "ۇلت اقپارات" قر ٸٸم تٶتەنشە جاعدايلار كوميتەتٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆو مەلٸمەتٸنشە, بٷگٸن ساعات 13-20-دا الماتى وبلىسىنداعى قارقارا بازالىق لاگەرٸنە بٸلٸكتٸلٸگٸ جوعارى 3 قازاقستاندىق الپينيستەن تۇراتىن توپ جەتكەن. الپينيستەردٸ قىرعىز رەسپۋبليكاسىنا جەتكٸزۋ ٷشٸن قر ٸٸم تٶتەنشە جاعدايلار كوميتەتٸ قازاۆياقۇتقارۋ مەكەمەسٸنٸڭ مي-171 تٸكۇشاعى دايىن تۇر.
«قازاقستاندىق الپينيستەردٸڭ قۇتقارۋ وپەراتسيياسى اۋا رايى جاقسارعاننان كەيٸن باستالادى. قازٸرگٸ ۋاقىتتا تيان-شان تاۋىنىڭ تٶمەنگٸ باۋرايىندا جاڭبىر جاۋىپ, بيٸك بەتكەيلەرٸندە قار تٷسٸپ جاتىر. سونىمەن قاتار بٸرلەسكەن ٸزدەۋ جۇمىستارىن جٷرگٸزۋ ٷشٸن قىرعىز الپينيستەر توبى دا دايىن», - دەپ اتاپ ٶتەدٸ كوميتەتتەن.
بۇعان دەيٸن, قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ قىرعىزستان تاۋلارىندا قيىن جاعدايعا تاپ بولعان قازاقستان الپينيستەرٸ تۋرالى ايتقان بولاتىن.
