وقۋ-اعارتۋ مينيسترٸ اسحات ايماعامبەتوۆ حالىقارالىق وليمپيادا جٷلدەگەرٸ بولعان وقۋشىلاردى ماراپاتتادى, دەپ حابارلايدى "ۇلت اقپارات".
"بيىل دارىندى بالالارىمىز 27 مەدال جەڭٸپ الىپ, ٶتكەن جىلدارداعى رەكوردتارىن جاڭارتتى. قۇتتىقتاۋدىڭ ٶزٸ دە بالالار, ولاردىڭ اتا-انالارى مەن مۇعالٸمدەر ٷشٸن ەرەكشە قۋانىشتى بولدى.
پرەزيدەنت قاسىم-جومارت كەمەلۇلى توقاەۆتىڭ قولداۋىنىڭ ارقاسىندا 27 جەڭٸمپازعا 4,7 ملن تەڭگەگە دەيٸنگٸ سەرتيفيكاتتار تابىستادىق. بۇل مەملەكەت باسشىسىنىڭ دارىندى بالالاردى ىنتالاندىرۋ جۇمىستارىن جٷرگٸزۋ بويىنشا تاپسىرماسىنان كەيٸن مٷمكٸن بولدى. سونداي-اق وقۋشىلار ۇبت تاپسىرماي-اق قازاقستاندىق جوو-دا وقۋعا گرانتتار الدى" - دەپ جازدى ول Facebook-تاعى پاراقشاسىندا.
مينيستردٸڭ ايتۋىنشا, بۇل باعىتتاعى جۇمىستار ەلٸ دە جالعاسىن تاپپاق.
"بيىل تٸزٸمگە 7 حالىقارالىق وليمپيادا كٸرسە, كەلەسٸ جىلى ول تاعى 7 بەدەلدٸ حالىقارالىق وليمپيادامەن تولىعادى. بٸز ەلٸمٸزدەگٸ بارلىق دەڭگەيدەگٸ وليمپيادانى ٶتكٸزۋدٸڭ اشىقتىعىنا ەرەكشە نازار اۋدارۋدى جالعاستىرا بەرەمٸز.
سونداي-اق جٷلدەلٸ ورىن العان وقۋشىلاردى دايىنداعان ۇستازدار دا بٸرجولعى اقشالاي تٶلەم الادى. دارىندى بالالاردىڭ اتا-انالارىنا دا العىس حاتتار تابىستادىم.
ەل پرەزيدەنتٸنٸڭ جەنە مەملەكەتتٸڭ تٸكەلەي قولداۋى باسقا دا وقۋشىلارىمىزدىڭ وليمپياداعا قىزىعۋشىلىعىن ارتتىراتىنىنا سەنٸمٸم مول. حالىقارالىق ارەنادا ەل نامىسىن لايىقتى قورعاعان بارلىق جەڭٸمپازعا تاعى دا العىس ايتامىن. بويلارىڭىزداعى تاباندىلىق, قاجىرلى ەڭبەك, بٸلٸمگە دەگەن قۇشتارلىق قاسيەتتەرٸڭٸز سٸزدەردٸ جاڭا جەڭٸس پەن تابىسقا جەتەلەي بەرسٸن!" - دەدٸ ايماعامبەتوۆ.
