قازاقستاندىق 20 جوعارى وقۋ ورنى پرەزيدەنتتٸك وليمپيادا جەڭٸمپازدارىنا ارنايى بٸلٸم گرانتتارىن بٶلدٸ, دەپ حابارلايدى "ۇلت اقپارات" بعم باسپاسٶز قىزمەتٸنە سٸلتەمە جاساپ.
وليمپيادانىڭ رەسپۋبليكالىق كەزەڭٸ جاراتىلىستانۋ – ماتەماتيكالىق باعىتتاعى پەندەر بويىنشا 15-18 قاراشا ارالىعىندا ٶتتٸ. زيياتكەرلٸك سايىستىڭ قورىتىندىسى بويىنشا 48 وقۋشى جەڭٸمپاز جەنە جٷلدەگەر اتاندى. قر بعم I دەرەجەلٸ ديپلومدارىمەن — 11 وقۋشى, II دەرەجەلٸ ديپلومدارمەن — 15 وقۋشى جەنە III دەرەجەلٸ ديپلومدارمەن 22 وقۋشى ماراپاتتالدى.
«بٸلٸم جەنە عىلىم مينيسترلٸگٸ مەملەكەت باسشىسىنىڭ تاپسىرماسى بويىنشا دارىندى بالالاردى قولداۋ بويىنشا شارالار قابىلداپ جاتىر. قازاقستاندىق 20 جوعارى وقۋ ورنى پرەزيدەنتتٸك وليمپيادانىڭ جەڭٸمپازدارى مەن جٷلدەگەرلەرٸن قولداۋعا نيەت بٸلدٸرٸپ, ولارعا ارنايى گرانتتار بٶلدٸ. بۇل وليمپيادا ٶتكٸزۋ بارىسىندا دارىندى بالالاردى كٶتەرمەلەۋ ٷشٸن قولعا الىنعان العاشقى تەڭدەسسٸز شارا. مۇنداي قولداۋ دارىندى بالالاردىڭ ەلەۋەتٸن ٸسكە اسىرۋعا جەنە ەلٸمٸزدٸڭ ادامي كاپيتالىن دامىتۋعا قوماقتى ٷلەس قوسۋعا مٷمكٸندٸك بەرەدٸ. سونداي-اق وقۋشىلار قر بعم ديپلومدارىن, مەدالدار مەن قازاقستاندىق جوعارى وقۋ ورىندارىندا بٸلٸم الۋ سەرتيفيكاتتارىن الدى. وقۋشىلارىمىزدىڭ نەتيجەلەرٸ ەل ٸشٸندەگٸ, تٸپتٸ تٷرلٸ حالىقارالىق وليمپيادالاردا دا جاقسارىپ كەلە جاتقانىن اتاپ ٶتكەن جٶن», — دەدٸ «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى تيمۋر نۇركەشوۆ.
ەستەرٸڭٸزگە سالا كەتەيٸك, حٸV پرەزيدەنتتٸك وليمپيادانىڭ رەسپۋبليكالىق كەزەڭٸ ە.ا. بٶكەتوۆ اتىنداعى قاراعاندى ۋنيۆەرسيتەتٸندە ٶتتٸ. زيياتكەرلٸك بايقاۋعا ەلٸمٸزدٸڭ بارلىق ٶڭٸرٸنەن ٶڭٸرلٸك جەنە ٸرٸكتەۋ كەزەڭدەرٸنٸڭ نەتيجەسٸ بويىنشا ٸرٸكتەلگەن 182 وقۋشى قاتىستى. وقۋشىلارعا تٶرت پەن بويىنشا تاپسىرمالار بەرٸلدٸ: ماتەماتيكا, فيزيكا, حيمييا جەنە بيولوگييا.
پرەزيدەنتتٸك وليمپياداعا قاتىسۋشىلاردىڭ جۇمىسىن قازاقستاننىڭ جەتەكشٸ جوعارى وقۋ ورىندارىنىڭ ماماندارى, حالىقارالىق وليمپيادالارىنىڭ جەڭٸمپازدارى مەن جٷلدەگەرلەرٸ باعالادى. بارىنشا اشىقتىقتى قامتاماسىز ەتۋ ٷشٸن كونكۋرس ونلاين كٶرسەتٸلدٸ.
پرەزيدەنتتٸك وليمپيادانىڭ جەڭٸمپازدارى مەن جٷلدەگەرلەرٸنە گرانت بەرگەن 20 جوعارى وقۋ ورنىنىڭ تٸزٸمٸ:
1. اكادەميك ە. ا. بٶكەتوۆ اتىنداعى قاراعاندى ۋنيۆەرسيتەتٸ
2. سەرسەن امانجولوۆ اتىنداعى شىعىس قازاقستان ۋنيۆەرسيتەتٸ
3. سەتباەۆ ۋنيۆەرسيتەتٸ
4. سافي ٶتەباەۆ اتىنداعى اتىراۋ مۇناي جەنە گاز ۋنيۆەرسيتەتٸ
5. م. ەۋەزوۆ اتىنداعى وڭتٷستٸك قازاقستان ۋنيۆەرسيتەتٸ
6. ح. دوسمۇحامەدوۆ اتىنداعى اتىراۋ ۋنيۆەرسيتەتٸ
7. رۋدنىي يندۋستريالدىق ينستيتۋتى
8. قورقىت اتا اتىنداعى قىزىلوردا ۋنيۆەرسيتەتٸ
9. ق. جۇبانوۆ اتىنداعى اقتٶبە ٶڭٸرلٸك ۋنيۆەرسيتەتٸ
10. پاۆلودار پەداگوگيكالىق ۋنيۆەرسيتەتٸ
11. ى. التىنسارين اتىنداعى ارقالىق پەداگوگيكالىق ينستيتۋتى
12. نارحوز
13. قازاقستان-بريتان تەحنيكالىق ۋنيۆەرسيتەتٸ
14. م. س. نەرٸكباەۆ اتىنداعى كازگيۋۋ ۋنيۆەرسيتەتٸ
15. الماتى مەنەدجمەنت ۋنيۆەرسيتەتٸ
16. وڭتٷستٸك قازاقستان مەملەكەتتٸك پەداگوگيكالىق ۋنيۆەرسيتەتٸ
17. ش. ۋەليحانوۆ اتىنداعى كٶكشەتاۋ ۋنيۆەرسيتەتٸ
18. مٸرجاقىپ دۋلاتوۆ اتىنداعى قوستاناي ينجەنەرلٸك-ەكونوميكالىق ۋنيۆەرسيتەتٸ
19. كاسپيي قوعامدىق ۋنيۆەرسيتەتٸ
20. قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸ
