قازاقستاندىق 14 جوعارى وقۋ ورنى Quacquarelli Symonds World University Rankings حالىقارالىق اكادەمييالىق رەيتينگٸنە ەندٸ, دەپ حابارلايدى "ۇلت اقپارات" قر بٸلٸم جەنە عىلىم مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
QS WUR – ەلەمدەگٸ ەڭ بەدەلدٸ رەيتينگتەردٸڭ بٸرٸ. سونداي-اق بيىل كەيبٸر ۋنيۆەرسيتەتتەر رەيتينگتە بٸرنەشە ورىنعا كٶتەرٸلٸپ, ٶز پوزيتسييالارىن نىعايتا تٷستٸ.
ەل-فارابي اتىنداعى قازاق ۇلتتىق ۋنيۆەرسيتەتٸ تاعى دا 175-ورىنعا تۇراقتاپ, ەلەمنٸڭ 200 ٷزدٸك ۋنيۆەرسيتەتٸنٸڭ قاتارىنا ەندٸ. ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸ 90 پوزيتسيياعا كٶتەرٸلٸپ 328-ورىندى, ال مۇحتار ەۋەزوۆ اتىنداعى وڭتٷستٸك قازاقستان ۋنيۆەرسيتەتٸ 482-ورىندى يەلەنٸپ, ٷزدٸك 500 وقۋ ورنىنىڭ قاتارىنان كٶرٸندٸ. سونىمەن قاتار رەيتينگكە Satbayev University, قازاق ۇلتتىق اگرارلىق زەرتتەۋ ۋنيۆەرسيتەتٸ, اباي اتىنداعى قازاق ۇلتتىق پەداگوگيكالىق ۋنيۆەرسيتەتٸ, س.ج. اسفەنديياروۆ اتىنداعى قازاق ۇلتتىق مەديتسينا ۋنيۆەرسيتەتٸ كٸردٸ.
«رەيتينگ تاريحىنا كٶز جٷگٸرتسەك, بيىل ونىڭ قۇرامىنا قازاقستاندىق جوعارى وقۋ ورىندارىنىڭ رەكوردتىق سانى كٸردٸ. رەيتينگكە ەنگٸزٸلگەن 14 جوعارى وقۋ ورنىنىڭ جەتەۋٸ سوڭعى جىلى ٶز پوزيتسييالارىن جاقسارتا تٷستٸ. بۇل قازاقستاندىق جوعارى بٸلٸمنٸڭ حالىقارالىق دەڭگەيدەگٸ تانىمالدىلىعىنىڭ ارتا تٷسكەندٸگٸن كٶرسەتەدٸ», – دەپ اتاپ ٶتتٸ قر بٸلٸم جەنە عىلىم مينيسترلٸگٸ جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸنٸڭ ديرەكتورى ەدٸلەت تويباەۆ.
جوعارى وقۋ ورىندارىنىڭ پوزيتسييالارىن ەسەپتەۋ كەزٸندە رەيتينگتە اكادەمييالىق توپتار مەن جۇمىس بەرۋشٸ ۇيىم ٶكٸلدەرٸنەن جينالعان ساۋالنامالاردىڭ نەتيجەلەرٸ, سونداي-اق 2015 جىلدان باستاپ 2019 جىلعا دەيٸنگٸ كەزەڭدەگٸ 14,7 ميلليون جارييالانىم ەسكەرٸلگەنٸن اتاپ ٶتكەن جٶن. ەلەمدٸك رەيتينگتەردە ٸلگەرٸلەۋ – قازاقستاندىق بٸلٸم بەرۋ ساپاسىنىڭ ودان ەرٸ جاقسارا تٷسۋٸنٸڭ جەنە ۋنيۆەرسيتەتتەردٸڭ جوعارى مەرتەبەسٸنٸڭ ايقىن دەلەلٸ بولىپ تابىلادى.
