رەسپۋبليكالىق ماڭىزى بار اۆتوجولداردىڭ قاۋٸپسٸزدٸگٸ مەن جايىلىپ جٷرگەن مالدىڭ جولعا شىعىپ كەتپەۋٸ ٷشٸن ارنايى شارالار قولعا الىندى, دەپ حابارلايدى قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ رەسمي سايتى.
سايتتاعى دەرەكتەرگە قاراعاندا, ەلدەگٸ تاسجولداردىڭ بويىنا جانۋارلاردى ٷركٸتەتٸن ۋلترادىبىستىق قۇرىلعىلار مەن «ەلەكترلٸ باقتاشى» قورشاۋلارى ورناتىلدى.
بۇل جۇمىستار ەڭ الدىمەن, ماڭعىستاۋ وبلىسىندا باستالعان. وندا «قازاقاۆتودور» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ فيليالى ارنايى قورشاۋلار ورناتقان. كەرنەۋٸ 12 ۆولت بولاتىن 3000 مەترلٸك «ەلەكترلٸ باقتاشى» «دوسسور - كۇلسارى - بەي̆نەۋ - ساي̆ - ٶتەس - شەتپە - جەتٸباي̆ - اقتاۋ ت.پ.» اۆتوجولىنىڭ 723-726 شاقىرىمىنداعى ۋچاسكەسٸنٸڭ بويىنا قويىلعان.
«ەلٸمٸزدە مالدىڭ جولعا شىعىپ كەتۋٸنەن بولاتىن كٶلٸك اپاتتارى جيٸلەپ كەتتٸ. مىسالى, تەك بيىلعى جىلدىڭ العاشقى جارتىجىلدىعىندا جانۋارلاردى باسۋ سەبەبٸنەن 16 جول كٶلٸك وقيعاسى تٸركەلگەن. نەتيجەسٸندە 33 ادام جاراقات الىپ, ەكەۋٸ مەرت بولدى. بىلتىر وسىعان سەيكەس كەزەڭدە 23 جول كٶلٸك اپاتى بولدى. وندا 29 ادام زارداپ شەگٸپ, جەتەۋٸ كٶز جۇمدى.
جول كٶلٸك وقيعالارىنىنىڭ ارتۋىنا رەسپۋبليكالىق جولداردىڭ بويىنداعى تورلى قورشاۋلاردىڭ ۇرلانۋى دا سەبەپ بولىپ وتىر. جاعداي, ەسٸرەسە تٷندە قيىنداي تٷسەدٸ. قاراڭعىدا تٷك كٶرٸنبەي كەتەدٸ. ونىڭ ٷستٸنە, جانۋارلارعا جارىق شاعىلىستىراتىن لەنتالار تاعىلمايدى. سول سەبەپتەن جول قىزمەتكەرلەرٸ مالدى جولدان قاۋٸپسٸز قاشىقتىققا قۋۋعا مەجبٷر بولادى. بۇل مەسەلەنٸ «ەلەكترلٸ باقتاشىلار» جوباسى شەشەدٸ. زاماناۋي قورشاۋلار ەلٸمٸزدٸڭ ٶزگە ٶڭٸرلەرٸندە دە ورناتىلاتىن بولادى»,-دەلٸنگەن حابارلامادا.
