«KazakhInvest» ۇلتتىق كومپانيياسى» اق باسقارما تٶراعاسى مٸندەتٸن اتقارۋشى مەيٸرجان مەيكەنوۆ تاياۋدا قازاقستاندا جٷزەگە اسىرىلاتىن ينۆەستيتسييالىق جوبالار جايىندا ايتىپ بەردٸ, دەپ حابارلايدى قازاقپارات.
«جالپى العاندا, بٷگٸندە «KazakhInvest» ۇلتتىق كومپانيياسى جۇمىسىندا 158 جوبا قامتىلعان. ٶڭٸرلٸك تۇرعىدا جوبالاردىڭ كٶبٸسٸ اتىراۋ, اقمولا, اقتٶبە, الماتى وبلىستارىندا جەنە استانا قالاسىندا ورنالاسقان. جوبالاردىڭ جالپى قۇنى 49 ملرد دوللارعا باعالانىپ وتىر. اتالعان 158 جوبانىڭ اراسىندا بەلسەندٸ تٷردە پىسىقتالىپ جاتقاندارىنىڭ سانى 76-عا (20,4 ملرد دوللار) جەتتٸ, ياعني بۇل جوبالاردا ەرٸپتەستەر, قارجىلىق مودەل, بيزنەس جوسپار, تەحنيكالىق-ەكونوميكالىق نەگٸزدەمە ەسكەرٸلگەن. وسى ورايدا بۇلار تولىقتاي جٷزەگە اسىرۋعا دايىن تۇر», - دەپ توقتالدى ول سەناتتا ٶتكەن ەل ەكونوميكاسىنا ينۆەستيتسييا تارتۋ تاقىرىبىنداعى دٶڭگەلەك ٷستەلدە.
ونىڭ سٶزٸنە قاراعاندا, بۇل 76 جوبانىڭ ٸشٸندە ترانسۇلتتىق كومپانييالاردىڭ قاتىسۋىمەن 34-ٸ قامتىلعان. اتالعان جوبالاردىڭ اراسىندا 26-سى قىتايلىق, 20-سى ەۋروپالىق ەلدەردٸڭ ينۆەستيتسييالارىنا باعدارلانعان. ال سالالىق نىشان بويىنشا جوبالاردىڭ كٶبٸسٸ حيمييالىق, مۇناي-حيمييالىق, فارماتسەۆتيكالىق باعىتتاردا ٸسكە اسىرۋعا نەگٸزدەلگەن, ياعني بۇل 19 جوبا 10 ملرد دوللارعا باعالانىپ وتىر. تاۋ-كەن ەرٸ مەتاللۋرگييالىق سالاداعى 18 جوبا 5 ملرد دوللاردى قۇرادى. سونىمەن قاتار باسىمدىققا يە اگروٶنەركەسٸپتٸك كەشەندەگٸ 12 جوبانىڭ قۇنى 500 ملن دوللارعا جەتتٸ.
«2017 جىلى جٷرگٸزٸلەن جۇمىستىڭ نەتيجەسٸندە 5 جوبا اياسىندا قۇرىلىس جۇمىستارى باستالدى. بۇدان بٶلەك, 2018 جىلعا جوسپاردا 16 جوبانى ٸسكە قوسۋ كٶزدەلگەن. ولاردىڭ اراسىندا نيدەرلاندىنىڭ Farm Frites ترانسۇلتتىق كورپوراتسيياسى جوباسىنا توقتالسام, ولار كارتوپ ٶنٸمدەرٸن ٶندٸرۋگە مامانداندىرىلعان. بۇل كومپانييا بارشا ەلەم بويىنشا McDonalds جٷيەسٸنە رەسمي ٶنٸم جەتكٸزۋشٸ بولىپ تابىلادى. Farm Frites يەلٸگٸندە كارتوپ ٶندٸرۋدە ٸرٸ التى زاۋىتى بار. ەندٸ جەتٸنشٸ زاۋىت الماتى وبلىسىندا سالىنادى. زاۋىتتىڭ قۋاتتىلىعى 70 مىڭ توننانى قۇرايدى. اتاپ ايتقاندا, بارشا ٶنٸمنٸڭ 80 پايىزى رەسەيلٸك نارىققا ەكسپورتتالاتىن بولادى», - دەدٸ مەيٸرجان مەيكەنوۆ.
