ورتالىق كوممۋنيكاتسييالار قىزمەتٸندە ٶتكەن بريفينگٸدە قر باس پروكۋراتۋراسى قىلمىستىق قۋدالاۋ قىزمەتٸنٸڭ باستىعى سەرٸك شالاباەۆ ەلدە بولعان تەرتٸپسٸزدٸكتەردٸڭ تولىق حرونولوگيياسىن ۇسىندى, دەپ حابارلايدى قازاقپارات.
سەرٸك شالاباەۆتىڭ ايتۋىنشا, سۇيىتىلعان گاز باعاسىنىڭ كٷرت ٶسۋٸنە بايلانىستى نارازىلىق ماڭعىستاۋ وبلىسىندا 2022 جىلدىڭ العاشقى كٷنٸندە باستالعان.
«بٸرٸنشٸ قاڭتاردا ماڭعىستاۋ وبلىسىنىڭ جاڭاٶزەن قالاسىندا ساعات 17.20-دا قالا ەكٸمدٸگٸنٸڭ جانىندا قالا تۇرعىندارى جينالدى. سۇيىتىلعان گاز باعاسىن تٶمەندەتۋ تالابىمەن ەل باسشىلىعىنىڭ اتىنا بەينەٶتٸنٸش جازعان سوڭ سول كٷنٸ ساعات 18:00-دە ادامدار تارادى. قۇقىق قورعاۋ ورگاندارى قارۋ قولدانعان جوق.
ەكٸنشٸ قاڭتاردا ماڭعىستاۋ وبلىسىندا ساعات 11.00-دەن باستاپ ەكٸمدٸكتەرگە اۆتوپاركتەرگە, مەشٸتكە جاقىن جەردە سۇيىتىلعان گاز باعاسىن تٶمەندەتۋ تالابىمەن وبلىس تۇرعىندارىنىڭ سانكتسيياسىز جيىندارى بايقالدى. كٷن ٸشٸندە نارازىلىق بٸلدٸرۋشٸلەر شامامەن بٸرنەشە جٷز ادامدى قۇرادى. جاڭاٶزەن قالاسىندا اكتسييالارعا قاتىسۋشىلار ٸشكٸ اۆتوجولداردى جاپتى. قۇقىق قورعاۋ ورگاندارى قارۋ قولدانعان جوق», - دەدٸ ول.
ايتۋىنشا, ٷشٸنشٸ قاڭتاردا ماڭعىستاۋ وبلىسىنىڭ تۇرعىندارىن قولداۋ ماقساتىندا ەلٸمٸزدٸڭ باسقا 7 ٶڭٸرٸندە بەيبٸت ميتينگٸلەر باستالعان.
«تٶرتٸنشٸ قاڭتاردا ميتينگٸلەر جالعاسىپ, ادامداردىڭ سانكتسيياسىز جاپپاي جينالىستارى بايقالعان ٶڭٸرلەر سانى 11-گە دەيٸن ٶستٸ. قاتىسۋشىلار سانى 38 مىڭعا دەيٸن كٷرت ٶستٸ. الماتى جەنە شىمكەنت قالالارىندا قارۋلى شابۋىلدار, ٶرتەۋ سونىڭ ٸشٸندە قىزمەتتٸك اۆتوكٶلٸكتەردٸ ٶرتەۋ باستالدى. الماتى قالاسىندا «الماتى ارەنا» سپورت كەشەنٸنٸڭ جانىندا جينالعان 5 مىڭعا جۋىق ادام قالا ەكٸمدٸگٸنٸڭ عيماراتىنا بارىپ, پوليتسييا قىزمەتكەرلەرٸمەن قاقتىعىسقا تٷستٸ», - دەيدٸ باس پروكۋراتۋرا ٶكٸلٸ.
باس پروكۋراتۋرا قىلمىستىق قۋدالاۋ قىزمەتٸنٸڭ باستىعى وسىنىڭ سالدارىنان 6 پوليتسييا اۆتوكٶلٸگٸ ٶرتەنٸپ, ۇلتتىق ۇلاننىڭ 5 ەسكەري قىزمەتشٸسٸ جەنە 15 پوليتسييا قىزمەتكەرٸ جاراقات العانىن ايتادى.
«شىمكەنت قالاسىندا 21 اۆتوكٶلٸك زاقىمدالدى. وسى كٷننەن باستاپ قىزمەتكەرلەر مەن ەكٸمشٸلٸك عيمارتتارعا شابۋىلداردى قايتارۋ ماقساتىندا قۇقىق قورعاۋ ورگاندارى ادام ٶمٸرٸنە قاۋٸپ كەلتٸرمەيتٸن ارنايى قۇرالداردى پايدالانا باستادى.
بەسٸنشٸ قاڭتاردا ويران سالۋ مەن عيماراتتاردى باسىپ الۋ 11 ايماقتا جالعاستى. ولارعا قاتىسۋشىلار سانى 50 مىڭعا جەتتٸ.
تٶرتٸنشٸ قاڭتاردان بەسٸنشٸ قاڭتارعا قاراعان تٷنٸ تەرروريستەر الماتى قالاسى ەكٸمدٸگٸنٸڭ عيماراتى مەن الماتى حالىقارالىق ەۋەجايىن باسىپ الدى. سونداي-اق, بانديتتەر ٶرت سٶندٸرۋ بٶلٸمٸن, الماتى قالالىق پوليتسييا دەپارتامەنتٸن, ەۋزەوۆ جەنە جەتٸسۋ اۋداندىق پوليتسييا باسقارمالارىن باسىپ الۋعا ەرەكەت جاسادى, 7 قارۋ-جاراق دٷكەنٸنە باسىپ كٸردٸ. ۇلتتىق قاۋٸپسٸزدٸك كوميتەتٸ شەكارا قىزمەتٸنٸڭ 2 «كاماز» اۆتوكٶلٸگٸنە پوليتسييا دەپارتامەنتٸنٸڭ 2 قىزمەتتٸك اۆتوكٶلٸگٸنە, قالا ەكٸمدٸگٸنٸڭ «Nur Otan» پارتيياسىنىڭ عيماراتتارىنا, 4 ساۋدا ورتالىعىنا, بانك بٶلٸمشەلەرٸنە ٶرت قويىلدى. الماتىداعى قارۋلى شابۋىلدارعا قاتىسۋشىلار سانى 20 مىڭنان استى», - دەپ ەسكە الدى سەرٸك شالاباەۆ.
ونىڭ سٶزٸنشە, قىزىلوردا قالاسىندا شابۋىلشىلار 9 اۆتوكٶلٸكتٸ ٶرتەدٸ, 1 جاۋىنگەردٸ كٶلٸكپەن قاعىپ ٶلتٸرگەن.
«ەسكەري قىزمەتشٸلەردەن بەلگٸسٸز ادامدار توبى اۆتومات پەن ەكٸ تاپانشانى تارتىپ الدى. تالدىقورعان قالاسىندا شابۋىلشىلار ەكٸمدٸك, پوليتسييا جەنە ۇلتتىق قاۋٸپسٸزدٸك كوميتەتٸ دەپارتامەنتٸنٸڭ عيماراتتارىن باسىپ الدى. قالادا قارۋلى توپتار جٷردٸ. سونداي-اق, كٷش قولدانۋ ارقىلى اقتٶبە, اتىراۋ, قىزىلوردا, ماڭعىستاۋ جەنە جامبىل وبلىستارىندا وبلىستىق ەكٸمدٸكتەرٸنٸڭ عيماراتتارى باسىپ الىندى. ازاماتتاردىڭ قاۋٸپسٸزدٸگٸنە تٶنگەن قاۋٸپ-قاتەرگە بايلانىستى پرەزيدەنتتٸڭ جارلىقتارىمەن ەلدٸڭ ەر ايماعىندا تٶتەنشە جاعدايلار ەنگٸزٸلٸپ, كوممەندانتتىق ساعات بەلگٸلەندٸ. تەرروريستەردٸڭ ەرەكەتتەرٸن ٷيلەستٸرۋدٸ جوققا شىعارۋ جەنە ولاردىڭ بايلانىس قۇرالدارىن پادالانۋىن جول بەرمەۋ ماقساتىندا ينتەرنەتتٸ پايدالانۋ شەكتەلدٸ», - دەدٸ باس پروكۋراتۋرا قىلمىستىق قۋدالاۋ قىزمەتٸنٸڭ باستىعى.
سونداي-اق, ول قارۋلى توپتارعا قارسى قۇقىق قورعاۋشىلار مەن ەسكەريلەر تاراپىنان قاشان وق اتىلا باستاعانىن ناقتىلادى.
«التىنشى قاڭتاردا قاۋٸپسٸزدٸك كەڭەسٸنٸڭ شەشٸمٸمەن ەلٸمٸزدە انتيتەرروريستٸك وپەراتسييانى ٶتكٸزۋ جارييالاندى. ونىڭ نەگٸزگٸ ماقساتى – ۇلتتىق قاۋٸپسٸزدٸككە تٶنەتٸن قاتەرلەردٸ جويۋ جەنە ازاماتتاردىڭ ٶمٸرٸ مەن مٷلكٸن قورعاۋ بولىپ تابىلادى. تەك وسى كٷننەن باستاپ قۇقىق قورعاۋ ورگاندارى مەن قارۋلى كٷشتەر تەرروريستەردٸ جويۋ ٷشٸن قارۋ قولدانا باستادى. الماتىدا «كٶكتٶبە» تەلەمۇناراسى مەن ۇلتتىق قاۋٸپسٸزدٸك كوميتەتٸ شەكارا قىزمەتٸنٸڭ اكادەميياسىن تەرروريستەردٸڭ باسىپ الۋىنا جول بەرٸلمەدٸ.
ۇجىمدىق قاۋپٸزدٸك كەڭەسٸنٸڭ شەشٸمٸمەن بٸتٸمگەرلٸك وپەراتسييا جٷرگٸزۋ ٷشٸن قازاقستانعا ۇقشۇ كٷشتەرٸنٸڭ كونتينگەنتتەرٸ جٸبەرٸلدٸ», - دەدٸ باس پروكۋراتۋرا ٶكٸلٸ.
ايتۋىنشا, 7 قاڭتاردا بەيبٸت نارازىلىق شارالارى ماڭعىستاۋ, اتىراۋ, اقتٶبە, قاراعاندى جەنە شىعىس قازاقستان وبلىستارىندا جالعاسقان.
ال 8 قاڭتاردا جاعداي بٸرتٸندەپ تۇراقتانىپ, ازاماتتاردىڭ رۇقساتسىز جينالۋى توقتاتىلعان.
