فوتو: اقوردا
پرەمەر-مينيستردٸڭ ورىنباسارى تامارا دٷيسەنوۆا ەلٸمٸزدەگٸ موبيلدٸ اۋدارىمداردى باقىلاۋعا قاتىستى سۇراققا جاۋاپ بەردٸ. ونىڭ ايتۋىنشا, قارجى مينيسترلٸگٸمەن ەلٸ تالقىلاۋ جۇمىستارى جٷرگٸزٸلٸپ جاتىر, دەپ حابارلايدى Ult.kz Stan.kz-كە سٸلتەمە جاساپ.
ٷكٸمەت وتىرىسىنان كەيٸن ٶتكەن باسپاسٶز كونفەرەنتسيياسىندا ۆيتسە-پرەمەرگە زاڭسىز كەسٸپكەرلٸكپەن تٸركەۋسٸز اينالىسقانى ٷشٸن سالىناتىن ايىپپۇلدار جايلى سۇراق قويىلدى. ەسٸرەسە, 255 مىڭ تەڭگەدەن اساتىن موبيلدٸ اۋدارىمداردى باقىلاۋ تۋرالى نورما قابىلدانعان جاعدايدا نە بولادى دەپ سۇراق قويدى.
"بۇل نورما ەلٸ تٷپكٸلٸكتٸ بەكٸتٸلگەن جوق. قازٸر ونى بٸزدٸڭ سالا ماماندارى قاراستىرىپ جاتىر, تيٸستٸ مەملەكەتتٸك ورگاندار جۇمىس ٸستەپ جاتىر. بٸز وسى مەسەلە بويىنشا قارجى مينيسترلٸگٸنە ٶز پٸكٸرٸمٸزدٸ ايتۋدى جوسپارلاپ وتىرمىز. بٸزدٸڭ جۇمىس توبىمىز ەلٸ جۇمىس ٸستەپ جاتقاندىقتان بٸراز كٷتۋ كەرەك. بۇل مەسەلە نەگٸزٸندە بٸرىڭعاي ۇستانىم ەزٸرلەۋ ٷشٸن مامانداردان تۇراتىن كەڭەسشٸ توپ جۇمىس ٸستەپ جاتىر. الدىن الا قانداي ۇستانىم بولاتىنىن ناقتى ايتا المايمىن. بٸراق بۇل مەسەلە تالقىلاۋ كەزەڭٸندە", – دەپ جاۋاپ بەردٸ تامارا دٷيسەنوۆا.
ايتا كەتەيٸك, بۇعان دەيٸن قارجى مينيسترلٸگٸنٸڭ مەملەكەتتٸك كٸرٸستەر كوميتەتٸ قازاقستاندا 255 مىڭ تەڭگەدەن اساتىن موبيلدٸ اۋدارىمداردى باقىلاۋعا الۋ جوسپارلانىپ وتىرعانىن مەلٸمدەگەن ەدٸ. سونىمەن قاتار كوميتەت ٶكٸلدەرٸ تەكسەرۋ كريتەرييلەرٸنٸڭ ٶزگەرۋٸ مٷمكٸن ەكەنٸن اتاپ ٶتتٸ. بۇل تٷزەتۋ قازٸر ۇلتتىق بانكتٸڭ قاراۋىندا.
"بٸر جەكە تۇلعانىڭ بانك شوتىنا قاتارىنان 3 اي ٸشٸندە 100 جەنە ودان دا كٶپ تٷرلٸ تۇلعالاردان جالپى سوماسى 3 ايلىق جالاقى مٶلشەرٸنەن, ياعني 225 مىڭ تەڭگەدەن, اساتىن اۋدارىم قابىلداعان تۇلعانى تەكسەرۋدٸ ەنگٸزۋ قاراستىرادى", – دەپ حابارلادى مەملەكەتتٸك كٸرٸستەر كوميتەتٸ.
قازٸر بانكتەر ٷش اي بويى 100-دەن استام تٷرلٸ تۇلعادان اۋدارىم العان قازاقستاندىقتار تۋرالى مەلٸمەتتەردٸ سالىق ورگاندارىنا بەرۋگە مٸندەتتٸ. قولدانىستاعى ەرەجەلەرگە سەيكەس بۇل ازاماتتىڭ زاڭسىز كەسٸپكەرلٸكپەن اينالىسىپ, تاۋار نەمەسە قىزمەت ٷشٸن اقى الىپ وتىرعانىن بولجامداۋعا نەگٸز بولادى.
ەسكە سالايىق, بۇعان دەيٸن زاڭعا سەيكەس كەسٸپكەرلٸك قىزمەتپەن تٸركەۋسٸز اينالىساتىن بارلىق جەكە تۇلعالار جازالاناتىنىن جازدىق. ايىپپۇل 15 اەك (2024 ج. 55 380 تەڭگە), بٸر جىل ٸشٸندە قايتالاپ بۇزۋ 30 اەك (110 760 تەڭگە) مٶلشەرٸندە. قازاقستاندا موبيلدٸ اۋدارىم ارقىلى قانشا كەسٸپكەردٸڭ سالىقتان جالتارعانى ەزٸرگە بەلگٸسٸز. مەملەكەتتٸك كٸرٸستەر كوميتەتٸ بۇل اقپاراتتى بانكتەردەن 2025 جىلى الاتىنىن اتاپ ٶتتٸ
