قازاقستانداعى كٸتاپ باسۋ ٸسٸن اشىق نارىققا جٸبەرۋ كەرەك. بۇل تۋرالى سەناتتىڭ جالپى وتىرىسىندا سەناتور نۇرتٶرە جٷسٸپ ايتتى, دەپ حابارلايدى قازاقپارات.
«قوعامدىق ماڭىزى بار ەدەبيەتتٸ باسىپ شىعارۋ. بۇل دا ماڭىزدى مەسەلە. وسىعان دەيٸن سوۆەت كەزٸندە ٶمٸر سٷرگەن جازۋشىلاردىڭ كٸتاپتارى ەرتٷرلٸ سەرييامەن جىلدا قايتا باسىلىپ كەلدٸ. مۇنداي پراكتيكادان كەتۋ كەرەك. ٶمٸرگە, قازٸرگٸ تٸرشٸلٸككە سۇرانىسى جوعارى كٸتاپتاردى باسىپ شىعارۋ قاجەت. قازاقستانداعى كٸتاپ باسۋ ٸسٸن اشىق نارىققا جٸبەرۋ كەرەك. بالالار ەدەبيەتٸن قولداۋ مەن دامىتۋعا سالالىق مينيسترلٸك باسا مەن بەرمەسە بولمايدى»,- دەدٸ سەناتور «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە مەدەنيەت مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قر زاڭىنىڭ جوباسىن تالقىلاۋ بارىسىندا.
سونداي-اق ول سالالىق كٶركەمدٸك كەڭەستەر جۇمىسى دۇرىس ۇيىمداستىرىلۋى تيٸس ەكەندٸگٸن, كٶركەمدٸك كەڭەسكە بٸلٸكتٸ ماماندار تارتىلۋى قاجەتتٸگٸن, تالعام مەن تالاپ كٷشتٸ بولۋى كەرەكتٸگٸن باسا ايتتى.
«بەرٸ مەدەنيەتكە بايلانىستى. ۇلتتىق مەدەنيەت. رۋحاني مەدەنيەت. كٷندەلٸكتٸ تٷرلٸ بىلىق-شىلىقتىڭ, جەمقورلىقتىڭ, سىبايلاستىقتىڭ, ەدەپسٸزدٸكتٸڭ ورىن الۋى مەدەنيەتتٸڭ بولماۋىنان. مەدەني دەڭگەيٸمٸزدٸ كٶتەرمەيٸنشە, كٶپ نەرسەنٸ جوعالتامىز. مەملەكەت باسشىسى قاسىم-جومارت توقاەۆ ٶز جولداۋىندا «ۇلتتىڭ جاڭا بولمىسىن قالىپتاستىرۋ» تۋرالى ايتتى. قازاقتىڭ ۇلتتىق جاڭا بولمىسىن - مەدەنيەتسٸز, مەدەنيەتتٸ ازاماتتارسىز ەلەستەتە المايمىز«, - دەدٸ نۇرتٶرە جٷسٸپ.
