.jpg)
فوتو: سيلۆان گيوگەن / قازاقستانداعى فرانتسييا ەلشٸلٸگٸنٸڭ باسپاسٶز قىزمەتٸنەن
فرانتسييانىڭ قازاقستانداعى تٶتەنشە جەنە ٶكٸلەتتٸ ەلشٸسٸ سيلۆان گيوگەن قازاقستاندا ٶمٸر سٷرۋ وعان ەل تاريحىن تەرەڭٸرەك تانۋعا مٷمكٸندٸك بەرگەنٸن ايتتى. Ult.kz تٸلشٸسٸنٸڭ سۇراعىنا جاۋاپ بەرۋ بارىسىندا ول جاقىندا الاش قوزعالىسى تۋرالى كٸتاپ وقىپ, حح عاسىر باسىنداعى قازاق زييالىلارىنىڭ دەموكراتييالىق قۇندىلىقتاردى دامىتۋداعى رٶلٸنە ەرەكشە نازار اۋدارعان.
«مەن بۇل جاققا كەلمەي تۇرىپ-اق قازاقستاننىڭ قانداي ەل ەكەنٸن بٸلەتٸنمٸن. الايدا وسى ەلدە تۇرۋىم ونىڭ تاريحىنا تەرەڭٸرەك ٷڭٸلۋٸمە سەبەپ بولدى. جاقىندا الاش دەموكراتيياسى تۋرالى بٸر كٸتاپ وقىدىم. وندا حح عاسىردىڭ باسىندا الاش يدەياسىن جٷزەگە اسىرۋعا اتسالىسقان قايراتكەرلەردٸڭ تەك قازاقستانعا دەموكراتييالىق قۇندىلىقتاردى ەنگٸزۋمەن شەكتەلمەي, دەموكراتييا يدەياسىنىڭ تٷپ-تامىرىنا دا ٷڭٸلگەنٸ ايتىلعان», – دەگەن ەلشٸ الاش قايراتكەرلەرٸنٸڭ جان-جاك رۋسسو, ۆولتەر, شارل دە مونتەسكە سيياقتى فرانتسۋز ويشىلدارىنىڭ ەڭبەكتەرٸن جاقسى مەڭگەرگەنٸن اتاپ ٶتتٸ.
ونىڭ پٸكٸرٸنشە, بۇل دەرەك قازاقستان مەن فرانتسييا اراسىندا حح عاسىردىڭ ٶزٸندە-اق ينتەللەكتۋالدى بايلانىس بولعانىن كٶرسەتەدٸ.
سونىمەن قاتار ول الاش دەموكراتيياسىنىڭ يدەيالىق تەرەڭدٸگٸنە جوعارى باعا بەرٸپ, بۇل تاقىرىپ ٶزٸنە ەرەكشە ەسەر قالدىرعانىن جەتكٸزدٸ.
«ولار ٶز يدەيالارىنىڭ بٸرقاتارىن XVII–XVIII عاسىرلارداعى فرانتسۋز فيلوسوفيياسىنان العان. بۇل دەرەك سول كەزەڭنٸڭ ٶزٸندە-اق قازاقستان مەن فرانتسييا اراسىندا ينتەللەكتۋالدى بايلانىس بولعانىن كٶرسەتەدٸ. الاش قايراتكەرلەرٸ تەك قازاقستاننىڭ بولاشاعىن ويلاپ قانا قويماي, فرانتسيياداعى ساياسي ويدىڭ دامۋ ٷردٸستەرٸن دە نازاردا ۇستاعان. الاش دەموكراتيياسى تۋرالى وقىعاندا ەرەكشە ەسەر الدىم», – دەدٸ سيلۆان گيوگەن.
فرانتسييانىڭ قازاقستانداعى تٶتەنشە جەنە ٶكٸلەتتٸ ەلشٸسٸ سيلۆان گيوگەن ٶز قىزمەتٸنە 2024 جىلى كەلگەن. ول فرانتسييا مٷددەسٸ تۇرعىسىندا پاريج بەن استانا اراسىنداعى ساياسي ديالوگتىڭ, ساۋدا-ەكونوميكالىق جەنە مەدەني بايلانىستاردىڭ دامۋىنا ىقپال ەتەدٸ.
