.jpg)
Foto: Silvan Giogen / Qazaqstandaǵy Frantsiia elshiliginiń baspasóz qyzmetinen
Frantsiianyń Qazaqstandaǵy Tótenshe jáne Ókiletti Elshisi Silvan Giogen Qazaqstanda ómir súrý oǵan el tarihyn tereńirek tanýǵa múmkindik bergenin aitty. Ult.kz tilshisiniń suraǵyna jaýap berý barysynda ol jaqynda Alash qozǵalysy týraly kitap oqyp, HH ǵasyr basyndaǵy qazaq ziialylarynyń demokratiialyq qundylyqtardy damytýdaǵy róline erekshe nazar aýdarǵan.
«Men bul jaqqa kelmei turyp-aq Qazaqstannyń qandai el ekenin biletinmin. Alaida osy elde turýym onyń tarihyna tereńirek úńilýime sebep boldy. Jaqynda Alash demokratiiasy týraly bir kitap oqydym. Onda HH ǵasyrdyń basynda Alash ideiasyn júzege asyrýǵa atsalysqan qairatkerlerdiń tek Qazaqstanǵa demokratiialyq qundylyqtardy engizýmen shektelmei, demokratiia ideiasynyń túp-tamyryna da úńilgeni aitylǵan», – degen elshi Alash qairatkerleriniń Jan-Jak Rýsso, Volter, Sharl de Monteske siiaqty frantsýz oishyldarynyń eńbekterin jaqsy meńgergenin atap ótti.
Onyń pikirinshe, bul derek Qazaqstan men Frantsiia arasynda HH ǵasyrdyń ózinde-aq intellektýaldy bailanys bolǵanyn kórsetedi.
Sonymen qatar ol Alash demokratiiasynyń ideialyq tereńdigine joǵary baǵa berip, bul taqyryp ózine erekshe áser qaldyrǵanyn jetkizdi.
«Olar óz ideialarynyń birqataryn XVII–XVIII ǵasyrlardaǵy frantsýz filosofiiasynan alǵan. Bul derek sol kezeńniń ózinde-aq Qazaqstan men Frantsiia arasynda intellektýaldy bailanys bolǵanyn kórsetedi. Alash qairatkerleri tek Qazaqstannyń bolashaǵyn oilap qana qoimai, Frantsiiadaǵy saiasi oidyń damý úrdisterin de nazarda ustaǵan. Alash demokratiiasy týraly oqyǵanda erekshe áser aldym», – dedi Silvan Giogen.
Frantsiianyń Qazaqstandaǵy Tótenshe jáne Ókiletti Elshisi Silvan Giogen óz qyzmetine 2024 jyly kelgen. Ol Frantsiia múddesi turǵysynda Parij ben Astana arasyndaǵy saiasi dialogtyń, saýda-ekonomikalyq jáne mádeni bailanystardyń damýyna yqpal etedi.
