يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ اقىلى جولداردىڭ قايسىنان قانشا تابىس كەلٸپ جاتقانى تۋرالى ايتتى, دەپ حابارلايدى "ۇلت اقپارات".
«بٸزدەگٸ 4 اقىلى جولدىڭ جالپى ۇزىندىعى – 680 شاقىرىم. نۇر-سۇلتان – شۋچينسك, نۇر-سۇلتان – تەمٸرتاۋ, الماتى – قاپشاعاي جەنە الماتى – قورعاس جولدارىنان تٷسەتٸن جالپى تابىس - 5,7 ملرد تەڭگە بولدى. ەڭ تابىستى جول – ەڭ قىسقاسى بولسا دا, الماتى-قاپشاعاي ۋچاسكەسٸ. بۇل بٶلٸكتەن 1,6 ملرد تەڭگەدەي تابىس كەلەدٸ. ونىڭ بٸر بٶلٸگٸن «قازاۆتوجول» باسقا اقىلى ۋچاسكەلەرگە باعىتتادى. ٶيتكەنٸ تەمٸرتاۋ مەن ششۋچينسككە استانادان قاتىنايتىن جولدار ٶتە كٷردەلٸ. قىستا جيٸ قار الادى. ششۋچينسك جولىنىڭ تابىسى دا 1,6 ملرد تەڭگە بولادى. تەمٸرتاۋ مەن قورعاۋ ۋچاكەسٸنٸڭ كٸرٸسٸ شامامەن 1,1 ملرد تەڭگەدەن», - دەدٸ ول حالىق الدىنداعى ەسەپتٸك كەزدەسۋٸنەن كەيٸن ٶتكەن بريفينگتە.
بەيبٸت اتامقۇلوۆ اقىلى جولدىڭ تابىستىلىعى قوزعالىستىڭ جيٸلٸگٸنە جەنە ٶتەتٸن كٶلٸكتەردٸڭ تيپٸنە بايلانىستى ەكەنٸن ەسكەرتتٸ. سونداي-اق, ول قازاقستاننىڭ اقىلى جولدارىندا نەگە ەۋروپاداعىداي سەرۆيس جوق ەكەنٸن تٷسٸندٸردٸ.
«بٸزدەگٸ اقىلى جولدار مەن ەۋروپانى سالىستىرىپ جاتادى. ەۋروپاداعى تىعىزدىقتى قاراڭىزدار. جولداردىڭ كٸرٸسٸ ٶتە جوعارى. ٶيتكەنٸ كٶلٸك اعىنى ٶتە تىعىز. ال بٸزدە 500 شاقىرىمدىق جولدىڭ بويىندا بٸرنەشە شاعىن ەلدٸ مەكەن عانا ورنالاسقان. سەرۆيس مەسەلەسٸ دە وسىعان بايلانىستى. بٸزدە جولداردى كٷتٸپ ۇستاۋ ٶتە قيىن. قىستا قار العاندا تەحنيكا ونداعان شاقىرىم جەردەن باراتىن كەزدەر بولادى. كليماتىمىز دا, تىعىزدىعىمىز دا ەرتٷرلٸ. جولدارىمىز ٶتە ۇزىن, ال حالىقتىڭ سانى از. كٶلٸك سانى بويىنشا دا كٶپتەگەن ەلدەرمەن تەڭدەسە المايمىز. بۇل كٶرسەتكٸش جولدىڭ تابىستىلىعىنا ٶتە قاتتى ەسەر ەتەدٸ. حالقى مەن كٶلٸك سانى تىعىز ەلدەردە جولدىڭ شىعىنى تەز اقتالادى. ونداعى باعا دا مٷلدە باسقاشا», - دەدٸ مينيستر.
