قازاقستاندا رەسەيلٸك جەنە ۋكراينالىق تاۋارلار تاپشى. كٶبٸنە بۇل تۇرمىستىق حيمييا مەن گيگيەنا, كوسمەتيكا تاۋارلارىنا قاتىستى, - دەپ حابارلايدى Tengrinews.kz اگەنتتٸگٸ كتك تەلەارناسىنا سٸلتەمە جاساپ.
سەبەبٸ, ەلٸمٸزگە وسى ٶنٸمدەردٸڭ 70 پايىزى رەسەي مەن ۋكراينادان تاسىمالدانادى. ال گەوساياسي احۋالعا بايلانىستى رەسەيدەگٸ زاۋىتتار مەن ديستريبيۋتورلىق كومپانييالار جابىلىپ, جۇمىسىن توقتاتقان. قازاقستانداعى ٸرٸ ساۋدا ورىندارى ٸشكٸ نارىقتى قامتاماسىز ەتۋ ٷشٸن باسقا ەلدٸڭ تاۋارلارىنا كٶشتٸك دەپ وتىر.
"يە, راسىمەن, تٷرلٸ سەبەپكە بايلانىستى تاۋار ۋاقتىلى كەلمەي, قينالدىق. بۇعان گەوساياسي احۋال تٸكەلەي بايلانىستى. قازاقستانعا كٶپتەگەن زات, ونىڭ ٸشٸندە تۇرمىستىق تەحنيكا رەسەيدەن تاسىمالدانادى. سانكتسييا سالىنا باستاعاندا برەندتەر بۇل ەلدەن كەتە باستادى. بٸز رەسەيدەن كەلمەي قالعان تاۋارلاردى باسقا ەلدٸڭ ٶنٸمٸمەن الماستىردىق. ەڭ باستى ماقساتىمىز - تۇتىنۋشىلارعا ٶنٸم ۇسىنۋ. تاپشىلىق بولعانىن جاسىرمايمىن", - دەدٸ سۋپەرماركەت جەلٸسٸنٸڭ PR-مەنەدجەرٸ ارتيوم كرىلوۆ.
قازٸر ەلدەگٸ تۇرمىستىق زاتتار ساتاتىن دٷكەن سٶرەلەرٸ بوساپ قالعان. كەسٸپكەرلەر اقپان ايىنان بەرٸ سابىن, كٸر جۋاتىن ۇنتاق, ىدىس-اياق جۋاتىن سۇيىقتىق, شاشقا ارنالعا بوياۋ سىندى رەسەيدەن ەكەلٸنەتٸن گيگيەنا ٶنٸمدەرٸ جوق ەكەنٸن جەتكٸزدٸ. بالالارعا ارنالعان تاعامدار, ەيەلدەردٸڭ گيگيەنالىق زاتتارى مەن كوسمەتيكاسى دا ەدەۋٸر ازايىپتى.
تابىستان قاعىلماس ٷشٸن بيزنەسمەندەر وتاندىق جەنە بەلارۋس, ٶزبەكستان, تٷركييا سىندى مەملەكەتتەردٸڭ ٶنٸمدەرٸنە تاپسىرىس بەرٸپ امالداۋعا كٶشكەن. سوعان قاراماستان, ٸشكٸ نارىقتا ۋكراينا مەن رەسەيدەن ەكەلٸنەتٸن تاۋارلاردىڭ ٷلەسٸ باسىم ەكەن. ولاردىڭ ورنىن تولىق تولتىرۋعا ۋاقىت كەرەك. سوندىقتان دٷكەن سٶرەلەرٸندە بۇرىنعىداي تاڭداۋ جوق. ال باعا تاعى قىمباتتاعان. وتاندىق ٶنٸم ٸشكٸ نارىقتى قامتاماسىز ەتۋگە قاۋقارسىز.
"قازٸر رەسەيلٸك تاۋارلاردىڭ كٶپ تٷرٸ جوق. ساۋدا ٶكٸلدەرٸنٸڭ ايتۋىنشا, ولاردا شيكٸزات جوق. رەسەيدەن بٶلەك, ەۋروپادان, رەسەي ارقىلى كەلەتٸن تاۋارلاردىڭ كٶبٸسٸ جوق. بٸرقاتار برەند تاۋار جوعالىپ كەتتٸ. تانىمال كرەمدەر دە جوق. ارى قاراي ساۋدانى جالعاستىرۋ ٷشٸن تٷركييادان جەتكٸزٸلٸپ جاتىر. ٶزبەكستاننان دا كٶپ سابىن شىعارىلىپ جاتىر. كٸرجۋعىش ۇنتاقتىڭ كٶپ تٷرٸ جوق", - دەدٸ ساتۋشى مارات قازىباەۆ.
