قازاقستاندا 4122 شتاتتىق ورىنعا دەرٸگەرلەر قاجەت. بۇل تۋرالى قر دسم رەسپۋبليكالىق دەنساۋلىق ساقتاۋدى دامىتۋ ورتالىعىنىڭ باس ديرەكتورى قانات تٶسەكباەۆ مەلٸمدەدٸ, دەپ حابارلايدى قازاقپارات.
«بيىل 15 شٸلدەدە 5201 شتاتتىق ورىندا مەدينيتسالىق كادر تاپشىلىعى بولعان ەدٸ. ەسٸرەسە قوستاناي وبلىسىنا ماماندار اسا قاجەت بولدى, 624 شتاتتىق ورىن بوس تۇردى. جاس مامانداردى ٶڭٸرلەرگە جٸبەرگەن سوڭ كادر تاپشىلىعى مەسەلەسٸ جاقسارىپ كەلەدٸ. مەسەلەن, 10 قىركٷيەكتەگٸ جاعداي بويىنشا 1079 ورىنعا مامان كەلٸپ, كادر تاپشىلىعى 4122 ورىنعا دەيٸن ازايدى», - دەدٸ ق. تٶسەكباەۆ ورتالىق كوممۋنيكاتسييالار ورتالىعىندا ٶتكەن ونلاين بريفينگتە.
ونىڭ ايتۋىنشا, قازاقستاندا انەستەزيولوگ-رەانيماتولوگ, تەراپەۆت, جالپى پراكتيكالىق دەرٸگەر, زەرتحاناشى دەرٸگەر, اكۋشەر-گينەكولوگ, ينفەكتسييالىق دەرٸگەرلەر جەتٸسپەي جاتىر. ورتاشا مەديتسينالىق قىزمەتكەرلەر اراسىندا 8583 بوس ورىن بار.
«رەسمي دەرەك بويىنشا, قازٸر دەنساۋلىق ساقتاۋ جٷيەسٸندە 253 883 قىزمەتكەر جۇمىس ٸستەيدٸ. ونىڭ ٸشٸندە 74046 دەرٸگەر, 179 مىڭنان استام ورتا مەديتسينالىق قىزمەتكەر بار. 16 مىڭنان استام دەرٸگەر جەكە مەديتسينالىق ۇيىمداردا جۇمىس ٸستەيدٸ. بٷگٸندە ەلٸمٸزدە 9464 جالپى پراكتيكالىق دەرٸگەر بار. ولار جالپى دەرٸگەرلٸك پەرسونالدىڭ 13,2 پايىزىن قۇرايدى. جالپى پراكتيكالىق دەرٸگەرلەردٸڭ ەڭ كٶبٸ تٷركٸستان وبلىسىندا (1205 مامان) جۇمىس ٸستەيدٸ. سونىمەن بٸرگە, تەراپەۆتەر مەن پەدياترلار سانى باسىم», - دەيدٸ ق. تٶسەكباەۆ.
ٶتكەن جىلمەن سالىستىرعاندا دەرٸگەرلٸك كادر 1,5 پايىزعا, ورتاشا مەديتسينالىق قىزمەتكەرلەر – 2,6 پايىزعا ارتقان.
«مەديتسينالىق كادرمەن قامتۋ دەڭگەيٸنە كەلسەك, نۇر-سۇلتان مەن الماتى قالالارىندا قامتۋ كٶرسەتكٸشٸ جوعارى. ال دەرٸگەر جەتٸسپەيتٸن ٶڭٸرلەر اراسىندا اقمولا, الماتى, اتىراۋ, جامبىل, قوستاناي جەنە تٷركٸستان وبلىستارى بار. دەرٸگەرمەن قامتۋ كٶرسەتكٸشٸ ٶڭٸرلەر اراسىندا 24,5-75,5 تٷرلەنەدٸ. ياعني, بۇل ٶڭٸرلەر اراسىندا رەسۋرس بٶلۋدە تەڭگەرٸم جوقتىعىن كٶرسەتەدٸ. ەڭ الدىمەن بۇل مەديتسينالىق ۇيىمدار جەلٸسٸن دامىتۋ, مەديتسينالىق قىزمەتكەرلەرگە جاعداي جاساۋ سىندى بٸرنەشە فاكتورلارمەن بايلانىستى. قالا مەن اۋىل اراسىندا دا كادرلىق رەسۋرستىڭ ديسبالانسى ەدەۋٸر بايقالدى. پاندەمييا مەن كوروناۆيرۋس ينفەكتسيياسى بۇل باعىتتا دا ٶزەكتٸ مەسەلە بارىن كٶرسەتتٸ», - دەيدٸ سپيكەر.
