اقش-تىڭ قازاقستانداعى ەلشٸسٸ ۋيليام موزەر قازاقستاندىقتاردى اباي كٷنٸ مەرەكەسٸمەن قۇتتىقتادى. بۇل تۋرالى "ۇلت اقپارات" ەلشٸلٸككە سٸلتەمە جاساپ حابارلايدى.
«اسا قۇرمەتتٸ قازاقستاندىقتار! سٸزدەردٸ ٶزگەشە, جٶنٸ بٶلەك مەرەكەمەن شىن جٷرەكتەن قۇتتىقتايمىن! بٷگٸن – اباي كٷنٸ مەرەكەسٸ! بۇل مەرەكە – رۋحانييات پەن مەدەنيەتتٸڭ, پوەزييانىڭ, اباي قۇنانبايۇلى سالعان جاقسى دەستٷردٸڭ جاڭعىرۋى, جالعاسۋى. بٸز كەلەشەكتە دە ەلشٸلٸكتە اباي كٷنٸن اتاپ ٶتۋ ٷشٸن, اباي دەستٷرٸن جاڭعىرتقىمىز كەلەدٸ. اباي اقىن توعىزقۇمالاق ويناعان. مٸنە, جىل سايىن توعىزقۇمالاقتان جارىس ۇيىمداستىرماق ويىمىز بار. ودان كەيٸن, مٸندەتتٸ تٷردە داستارحان باسىندا جينالىپ, باۋىرساق پەن قىمىزدى ورتاعا سالىپ, دومبىرا شەرتٸپ, اباي ەندەرٸن ايتامىز. ابايدىڭ قارا سٶزدەرٸن وقىپ, تالدايمىز. اباي ارمانداعان «كەمەل ادام تەربيەلەۋ» – ادامزاتتىڭ پارىزى. وسىنى قازٸرگٸ پاندەمييا جاعدايى دا قاتتى تٷسٸندٸرٸپ وتىر», - دەلٸنگەن ەلشٸنٸڭ قۇتتىقتاۋىندا.
سونىمەن قاتار, الماتىداعى اقش باس كونسۋلى ەريك مايەر دە ۇلى ابايدىڭ مەرەيتويىنا ارنالعان قۇتتىقتاۋلارعا قوسىلىپ, اقىننىڭ ٶمٸربايانى مەن شىعارماشىلىعىن تانىپ بٸلۋگە دەگەن ىنتاسى جايىندا ايتىپ, ابايدىڭ «جٷرەكتە قايرات بولماسا» ٶلەڭٸن امەريكالىق ەرٸپتەستەرٸمەن بٸرگە وقىدى.
ايتا كەتەيٸك, ٶتكەن اپتادا ەلەۋمەتتٸك جەلٸ قولدانۋشىلارىن قازاق تٸلٸندە ويشىل ابايدىڭ شىعارماشىلىعىن ورىنداپ, وقىرمانداردى تەنتٸ قىلعان امەريكالىقتار Fulbright Foreign Language Teaching Assistant قاتارىنان. FLTA- بۇل اقش مەملەكەتتٸك دەپارتامەنتٸنٸڭ قازاقستاندىقتارعا اقش-قا بارىپ, قازاق تٸلٸن وقىتۋعا مٷمكٸندٸك بەرەتٸن بٸرەگەي باعدارلاماسى. باعدارلاما كەزٸندە قازاق تٸلٸن وقىپ, مەدەنيەتٸمەن تانىسقان امەريكالىقتار قازاقستانعا كەلٸپ, اعىلشىن تٸلٸن ٷيرەتەدٸ.
«جٷرەك— تەڭٸز, قىزىقتىڭ بەرٸ — اسىل تاس» ٶلەڭٸن فۋلبرايت باعدارلاماسىنىڭ قاتىسۋشىسى, ەكٸ جىل بويى اقش-تا قازاق تٸلٸن وقىپ, كەيٸن اقتاۋدا اعىلشىن تٸلٸنەن ساباق بەرگەن ابيگايل وقىدى.
«ٶلەڭ سٶزدٸڭ پاتشاسى» اتتى ٶلەڭدٸ قازاقستاننان Fulbright FLTA باعدارلاماسىمەن بارعان قازاقستاندىق مۇعالٸم عالييا دەۋلەتتٸڭ كٶمەگٸمەن تٸلدٸ ٷيرەنگەن ليۋدۆيگ وقىپ بەردٸ.
«ەرەكشە ەستەن كەتپەس قىزىق قايدا?» وقىعان برەتت ۆەستبرۋككە Fulbright FLTA باعدارلاماسى بويىنشا بارعان اسەم يجمۋحانوۆا ساباق بەردٸ.
«عىلىم تاپپاي ماقتانبا» – Fulbright FLTA ستۋدەنتتەرٸ دجوشۋا ديۋفو مەن دجەسسي ۋەسسو وقىدى.
«جٷرەكتە قايرات بولماسا» – برەنديس قازاق تٸلٸن جاقىندا عانا وقي باستاسا دا, اسا زەيٸن قويىپ, تاماشا نەتيجە كٶرسەتٸپ ٷلگەردٸ.
«كٶزٸمنٸڭ قاراسى» ەنٸن شىرقاعان امەريكالىق گرەي گاررەت, ابايدىڭ تانىمال ەنٸن ۋكۋلەلەدە ورناپ, ونى كٶپتەگەن ەلدەردە شىرقاعانىن ەستەرٸڭٸزگە تاعى دا سالامىز.
قازاقستانداعى امەريكا بۇرىشتارىندا (American Corner and MakerSpace) دا ۇلى ابايدىڭ مەرەيتويىن اتاپ ٶتۋ ٷشٸن, اقىن سالعان ەدەت-دەستٷردٸ, ونىڭ فيلوسوفيياسىن جالعاستىرۋ, جاڭعىرتۋ جەنە دەرٸپتەۋگە, ابايتانۋعا ارنالعان ٸس-شارالار جٷرگٸزٸلٸپ جاتىر.
