قازاقستاندا ٸرٸ قارا, ۇساق مال, جىلقى مەن تٷيە سانى كٶبەيٸپ, ەشكٸ مەن قۇس سانى ازايعان. بۇل تۋرالى energyprom.kz حابارلادى.
ەnergyprom.kz اقپارات كٶزٸنٸڭ زەرتتەۋٸنە سٷيەنسەك, جالپى ەلدەگٸ مال شارۋاشىلىقتارى جىل باسىنان بەرٸ تٶرت ايدىڭ ٸشٸندە 657 ملرد تەڭگەنٸڭ ٶنٸمٸن شىعارعان. بۇل – بٸر جىل بۇرىنعى كٶرسەتكٸشتەن 2,3 پايىزعا ارتىق.
«2020 جىلدىڭ قاڭتار-سەۋٸر ايلارىندا مال شارۋاشىلىعىنىڭ جالپى ٸشكٸ ٶنٸمٸ 657,1 ملرد تەڭگەگە جەتتٸ. ەڭ جوعارى كٶرسەتكٸشتەر الماتى وبلىسىندا تٸركەلٸپ, تٶرت ايدىڭ ٸشٸندە وندا 106,4 ملرد تەڭگەنٸڭ ٶنٸمٸ ٶندٸرٸلگەن. مال شارۋاشىلىعىنان ەدەۋٸر پايدا تاپقان ٷزدٸك ٷش ٶڭٸرگە تٷركٸستان وبلىسى (90,8 ملرد تگ, +2,8%) مەن شىعىس قازاقستان وبلىسى (81,9 ملرد تگ, +1,6%) ەنگەن.
ال ٷكٸمەتتٸڭ حابارلاۋىنشا قازاقستاننىڭ مال شارۋاشىلىعىندا تۇراقتى ٶسٸم ساقتالىپ وتىر. وسى جىلدىڭ قورىتىندىسى بويىنشا سالانىڭ جالپى ٸشكٸ ٶنٸمٸن 2,6 ترلن تەڭگەگە, ٸرٸ قارا باسىن 7,8 ميلليونعا, ۇساق مالدىڭ سانىن 17,5 ميلليونعا جەتكٸزۋ جوسپارلانىپ وتىر.
الداعى ۋاقىتتا قوسىمشا 105 مىڭ توننا قۇس ەتٸن ٶندٸرەتٸن قوسىمشا قۇس فابريكاسى سالىنادى. سونىمەن قاتار قازٸرگٸ قۇس فابريكالارىنىڭ دا ٶندٸرٸسٸن ارتتىرۋ كٶزدەلگەن. بۇل رەتتە ەلدٸڭ ٶز قاجەتتٸلٸگٸنە باسا مەن بەرٸلەتٸنٸن اتاپ ٶتۋ كەرەك.
«1 مامىرداعى كٶرسەتكٸش بويىنشا ەلدەگٸ ٸرٸ قارا سانى 8,8 ملن باسقا جەتتٸ. بٸر جىل بۇرىنعى كٶرسەتكٸشتەن 4,1 پايىزعا ٶسٸپ وتىر. ال قوي سانى 22,3 ميلليلونعا (+2,7%), جىلقى 3,2 ميلليونعا (+7,6%), تٷيە سانى 243,2 مىڭعا (+4,1%), شوشقا سانى 933,4 مىڭعا (بٸر جىل بۇرىنعى كٶرسەتكٸشتەن +1,6%) جەتكەن. ال ەشكٸ سانى كەرٸسٸنشە 3 ملن باسقا (-1,4%) ازايىپ, قۇس سانى 45,2 ميلليونعا (-0,8%) كەمٸگەن» دەلٸنگەن حابارلامادا.
