پروكۋروردىڭ قاۋلىسىن ورىنداماعانى ٷشٸن جاۋاپتىلىق بەلگٸلەنەدٸ. بۇل تۋرالى «قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنە ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن تالقىلاۋ كەزٸندە دەپۋتات گٷلنار بيجانوۆا مەلٸم ەتتٸ, دەپ حابارلايدى قازاقپارات.
«ەڭبەك زاڭناماسىنا اعىمداعى جىلدىڭ قاڭتارىندا «جٸبەرۋشٸ» جەنە «قابىلداۋشى» تاراپتار دەگەن جاڭا ۇعىمدار ەنگٸزٸلدٸ, ولاردىڭ قۇقىقتارى مەن مٸندەتتەرٸ بەكٸتٸلدٸ. وسىعان بايلانىستى تاراپتار جۇمىسكەرلەردٸڭ زاڭدى قۇقىقتارى مەن مٷددەلەرٸن ساقتاماعانى ٷشٸن ەكٸمشٸلٸك جاۋاپتىلىقتى كٶزدەۋ ۇسىنىلادى. جاۋاپتىلىق قىزمەت كٶرسەتۋ شارتىن جاساسۋ كەزٸندە دە, ونىڭ قولدانىلۋ كەزەڭٸندە دە تاراپتاردى تەرتٸپكە شاقىراتىن بولادى. تەڭ ەڭبەك ٷشٸن تەڭ ەڭبەك جاعدايلارىنا كونستيتۋتسييالىق كەپٸلدٸكتەردٸ قامتاماسىز ەتەدٸ. سونداي-اق, جٸبەرۋشٸ تاراپتىڭ جۇمىسكەرلەرٸ ٷشٸن زاڭنامادا كٶزدەلگەن جۇمىس ۋاقىتى مەن كٷندەلٸكتٸ جۇمىستىڭ قالىپتى جەنە قىسقارتىلعان ۇزاقتىعىن زاڭسىز اسىرعانى ٷشٸن قابىلداۋشى تاراپتىڭ ەكٸمشٸلٸك جاۋاپتىلىعىن بەلگٸلەۋ ۇسىنىلادى», - دەدٸ گ. بيجانوۆا مەجٸلٸستٸڭ جالپى وتىرىسىندا.
بۇدان بٶلەك, مەملەكەت باسشىسى قىركٷيەك ايىنداعى جولداۋىندا كەسٸپكەرلەردٸڭ قۇقىقتارىن قورعاۋدى كٷشەيتۋگە ەرەكشە نازار اۋداردى. مۇنداي باعىت قاداعالاۋ ورگانىنا قوسىمشا تالاپتار قويادى.
«زاڭ بويىنشا, پروكۋرورعا ٶز قاۋلىسىمەن بارلىق زاڭسىز شەشٸمدەردٸڭ كٷشٸن تەز ارادا جويۋ, سونداي-اق مەملەكەتتٸك ورگانداردىڭ نەگٸزسٸز اكتٸلەرٸن توقتاتا تۇرۋ قۇقىعى بەرٸلگەن. الايدا, ولاردى ورىنداماعانى ٷشٸن ەكٸمشٸلٸك جاۋاپتىلىق كٶزدەلمەگەن. بۇل ازاماتتار مەن بيزنەستٸڭ زاڭدى قۇقىقتارى مەن مٷددەلەرٸن قورعاۋ ٸسٸندە پروكۋروردىڭ قۇقىق قورعاۋ فۋنكتسيياسىن تٶمەندەتەدٸ. وسىعان بايلانىستى بٸز پروكۋروردىڭ قاۋلىسىن ورىنداماعانى ٷشٸن ەكٸمشٸلٸك جاۋاپتىلىق بەلگٸلەۋدٸ ۇسىنامىز», - دەدٸ دەپۋتات.
