قازاقستاننىڭ جوعارعى وقۋ ورىندارىندا بٸلٸم بەرۋ مودەلٸ ٶزگەرەدٸ, وندا زەرتتەۋ جاساۋعا باسا مەن بەرٸلەدٸ. بۇل تۋرالى قر عىلىم جەنە جوعارى بٸلٸم مينيسترٸ ساياسات نۇربەك ايتتى, دەپ حابارلايدى قازاقپارات.
«قازٸر وتاندىق عىلىمنىڭ نەگٸزگٸ پروبلەماسى – عىلىمي زەرتتەۋلەرٸمٸز, جٷزدەن استام عىلىمي-زەرتتەۋ ورتالىقتارىمىز, عىلىمي ينستيتۋتتارىمىز جوو-عا نەگٸزدەلگەن تەحنوپارك پەن عىلىمي زەرتتەۋلەر, ٶنەركەسٸپ, ٶندٸرٸس, ناقتى كومپانييالاردىڭ تالاپتارىمەن, ٶندٸرٸستٸك پروتسەستەرمەن ۇشتاستىرىلماعان. ياعني, عىلىم ٶز بەتٸمەن, ٶندٸرٸس ٶز بەتٸمەن, ەكونوميكا ٶز بەتٸمەن جٷر. سوندىقتان عىلىم سالاسىندا دا بٸزدٸڭ نەگٸزگٸ ماقساتىمىز – وسى ەكٸ دٷنيەنٸ ۇشتاستىرۋ. وتانداستارىمىزعا قاراپايىم سۇراق قويساق – قازاقستاندىق عىلىمعا سەنەسٸز بە دەپ سۇراساق, ٶكٸنٸشكە وراي, جوق دەگەن جاۋاپ الامىز. سول سەنٸمدٸ قايتارۋىمىز كەرەك. عالىمداردى جاڭا كەيٸپكەرلەر رەتٸندە ولاردىڭ مەرتەبەسٸن قايتارۋىمىز كەرەك», - دەدٸ ساياسات نۇربەك قر پرەزيدەنتٸ تەلەراديوكەشەنٸنٸڭ «3 سۇراق» باعدارلاماسىندا.
سونىمەن بٸرگە, عىلىم مينيسترٸ جوو-لاردى زەرتتەۋ جەنە قولدانبالى زەرتتەۋ ورتالىقتارىنا اينالدىرۋ قاجەتتٸگٸن ايتتى.
«نەگە دەسەڭٸز, قاراپايىم ادام مەكتەپتە 11 جىل وقيدى, بۇل – پەداگوگيكالىق مودەل. ال ۋنيۆەرسيتەتكە كەلگەندە پەداگوگيكالىق ەمەس, زەرتتەۋ مودەلٸمەن جۇمىس ٸستەۋ كەرەك. ياعني وندا زەرتتەۋدٸ, ٸزدەنۋدٸ, سىني ويلاۋدى, اقپاراتپەن جۇمىس ٸستەۋدٸ ٷيرەتٸپ, ەڭبەك نارىعىنا دايىنداۋىمىز كەرەك. ال بٸزدە 70-80 پايىز ۋنيۆەرسيتەتتە – سول دەرٸس, سول سىنىپ, تاقتاعا شىعارۋ, ٷي جۇمىسىن تەكسەرۋ. سوندىقتان بۇل مودەل ٶزگەرۋٸ كەرەك. كەلەسٸ جىلدان باستاپ, بٸز ەڭ مىقتى جوو نەگٸزٸندە ارنايى ورتالىقتار اشامىز. ياعني 120 جوو-نى بٸر سەتتە, بٸر جىلدا كٶشٸرۋ قيىنعا تٷسەدٸ, ونداي رەسۋرسىمىز جوق. بٸراق بٸز پيلوتتى تٷردە ەر ٶڭٸردە 2-3 بٸلٸم وشتاقتارىنان باستاپ, زەرتتەۋ مودەلٸنە كٶشٸرۋدٸ باستايمىز. ياعني, مازمۇنى, ەدٸستەمەسٸ, بٸلٸم بەرۋ مودەلٸ ٶزگەرٸپ, ەندٸ جوو-لار قولدانبالى عىلىممەن اينالىساتىن مودەلگە كٶشەدٸ. كەلەسٸ جىلدان باستاپ, التى ٶڭٸرلٸك ۋنيۆەرسيتەت نەگٸزٸندە تەحنوپاركتەر اشامىز, ياعني سول جوو-دا بٸلٸم بەرگەن پروفەسسورلار, ماگيسترانتتار, دوكتورانتتار, باكالاۆرلار ٶزدەرٸ كٷندەلٸكتٸ بٸلٸم الىپ قانا قويماي, زەرتتەۋمەن دە اينالىسۋى كەرەك. تەحنوپارك ارقىلى, پاتەنت ارقىلى سول زەرتتەۋلەردٸ قولدانبالى زەرتتەۋلەرگە اينالدىرىپ, جەرگٸلٸكتٸ بيزنەس, جەرگٸلٸكتٸ ٶندٸرٸس وشاقتارىنىڭ پروبلەمالارىن شەشۋگە باعىتتالۋى كەرەك», - دەپ تٷسٸندٸردٸ ساياسات نۇربەك.
