فوتو: primeminister.kz
قر پرەمەر-مينيسترٸ ەليحان سمايىلوۆ ورتالىق مەملەكەتتٸك ورگاندار, باس پروكۋراتۋرا, بقدا, قما جەنە باسقا دا ۆەدومستۆولار باسشىلارىنىڭ قاتىسۋىمەن ەكونوميكانى دەمونوپوليزاتسييالاۋ جٶنٸندەگٸ كوميسسييانىڭ كەزەكتٸ وتىرىسىن ٶتكٸزدٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
قاتىسۋشىلار جوعارى بٸلٸم سالاسىنداعى بۇرىن جەكە مەنشٸككە ٶتكەن كەيبٸر اكتيۆتەردٸ مەملەكەت مەنشٸگٸنە قايتارۋ مەسەلەسٸن تالقىلادى.
پرەمەر-مينيستر قۇزىرلى مەملەكەتتٸك ورگاندارعا تيٸستٸ قۇجاتتار مەن شارتتاردى تەكسەرٸپ, ولاردىڭ زاڭدىلىعىنا قۇقىقتىق باعا بەرۋدٸ تاپسىردى. بۇل رەتتە ەليحان سمايىلوۆ اتالعان وقۋ ورىندارىنداعى وقۋ پروتسەسٸنٸڭ تولىق تۇراقتىلىعىن قامتاماسىز ەتۋ قاجەتتٸلٸگٸنە توقتالدى, ٶيتكەنٸ باستالعان تەكسەرۋ ستۋدەنتتەرگە دە, ۋنيۆەرسيتەت قىزمەتكەرلەرٸنە دە قاتىستى ەمەس.
كەڭەستە قاراعاندى وبلىسىنىڭ 30-عا جۋىق ەلدٸ مەكەنٸن ەلەكتر قۋاتىمەن قامتاماسىز ەتٸپ وتىرعان جەكەمەنشٸك ەنەرگەتيكالىق كومپانييانىڭ جۇمىسى دا قارالدى.
كەسٸپورىن مەنشٸگٸندەگٸ ەلەكتر جەلٸلەرٸنٸڭ ەبدەن توزىعى جەتكەنٸ اتاپ ٶتٸلدٸ. وسى رەتتە جٶندەۋ جۇمىستارى جٷرگٸزٸلمەيدٸ ەرٸ اپاتتىق بريگادالار تاپشى. جالپى تەكسەرۋ بارىسىندا انىقتالعان بۇزۋشىلىقتار جويىلماعان. وسىعان بايلانىستى جەرگٸلٸكتٸ تۇرعىندار ەلەكتر قۋاتىنىڭ جيٸ سەبەپسٸز ٶشٸپ قالۋىنا, ەلەكتر قۋاتىنىڭ تاپشىلىعىنا, كەرٸ بايلانىستىڭ تولىق بولماۋىنا جەنە تاعى باسقا مەسەلەلەر بويىنشا شاعىم ايتىپ جٷر.
ەليحان سمايىلوۆ كەسٸپورىنعا قاتىستى جينالعان ماتەريالداردى تالداۋ جەنە قالىپتاسقان جاعدايعا قۇقىقتىق باعا بەرۋ ٷشٸن باس پروكۋراتۋراعا بەرۋدٸ تاپسىردى.
سونداي-اق كەڭەس بارىسىندا تەمٸرجول كٶلٸگٸ سالاسىندا دا بٸرقاتار مونوپوليياعا قارسى شارالاردى جٷزەگە اسىرۋ مەسەلەسٸ قارالدى.
