Foto: primeminister.kz
QR Premer-Ministri Álihan Smaiylov ortalyq memlekettik organdar, Bas prokýratýra, BQDA, QMA jáne basqa da vedomstvolar basshylarynyń qatysýymen Ekonomikany demonopolizatsiialaý jónindegi komissiianyń kezekti otyrysyn ótkizdi, dep habarlaidy "Ult aqparat" primeminister.kz saityna silteme jasap.
Qatysýshylar joǵary bilim salasyndaǵy buryn jeke menshikke ótken keibir aktivterdi memleket menshigine qaitarý máselesin talqylady.
Premer-Ministr quzyrly memlekettik organdarǵa tiisti qujattar men sharttardy tekserip, olardyń zańdylyǵyna quqyqtyq baǵa berýdi tapsyrdy. Bul rette Álihan Smaiylov atalǵan oqý oryndaryndaǵy oqý protsesiniń tolyq turaqtylyǵyn qamtamasyz etý qajettiligine toqtaldy, óitkeni bastalǵan tekserý stýdentterge de, ýniversitet qyzmetkerlerine de qatysty emes.
Keńeste Qaraǵandy oblysynyń 30-ǵa jýyq eldi mekenin elektr qýatymen qamtamasyz etip otyrǵan jekemenshik energetikalyq kompaniianyń jumysy da qaraldy.
Kásiporyn menshigindegi elektr jelileriniń ábden tozyǵy jetkeni atap ótildi. Osy rette jóndeý jumystary júrgizilmeidi ári apattyq brigadalar tapshy. Jalpy tekserý barysynda anyqtalǵan buzýshylyqtar joiylmaǵan. Osyǵan bailanysty jergilikti turǵyndar elektr qýatynyń jii sebepsiz óship qalýyna, elektr qýatynyń tapshylyǵyna, keri bailanystyń tolyq bolmaýyna jáne taǵy basqa máseleler boiynsha shaǵym aityp júr.
Álihan Smaiylov kásiporynǵa qatysty jinalǵan materialdardy taldaý jáne qalyptasqan jaǵdaiǵa quqyqtyq baǵa berý úshin Bas prokýratýraǵa berýdi tapsyrdy.
Sondai-aq keńes barysynda temirjol kóligi salasynda da birqatar monopoliiaǵa qarsy sharalardy júzege asyrý máselesi qaraldy.
