جاڭا كەسٸپتەر اتلاسى جاڭا 239, ترانسفورماتسييالاناتىن 95 جەنە جوعالىپ بارا جاتقان 129 ماماندىقتى انىقتادى. بۇل تۋرالى ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ باسپاسٶز قىزمەتٸ حابارلادى.
ەڭبەك جەنە حالىقتى ەلەۋمەتتٸك قورعاۋ مينيسترلٸگٸ جاڭا كەسٸپتەر مەن قۇزىرەتتەردٸڭ اتلاسى ەكونوميكانىڭ نەگٸزگٸ 9 سالاسىن قامتيتىنىن, جاڭا, ترانسفورماتسييالاناتىن, سونداي-اق جويىلىپ بارا جاتقان كەسٸپتەر مەن قۇزىرەتتەردٸ بٸرٸكتٸرەتٸنٸن حابارلايدى. بۇل ازاماتتارعا ماماندىقتى دۇرىس تاڭداۋعا, وقۋ جوسپارلارىن ٶزەكتەندٸرۋدە كەسٸبي باعدار بەرۋگە كٶمەكتەسەدٸ. ەڭبەك نارىعىندا سۇرانىسقا يە «جاڭا كەسٸپتەر مەن قۇزىرەتتەردٸڭ اتلاسى» جوباسىن ٸسكە اسىرۋ ٷشٸن بىلتىر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ, قر بٸلٸم جەنە عىلىم مينيسترلٸگٸ جەنە «ەۋرازييالىق توپ» جشس اراسىندا ٶزارا ىنتىماقتاستىق تۋرالى مەموراندۋم جاسالعان. اتلاستىڭ نەگٸزگٸ ماقساتى – قازٸرگٸ ماماندىقتاردى تالداۋ, ٶزگەرٸپ جەنە جويىلىپ بارا جاتقان ماماندىقتاردى ەسكەرە وتىرىپ, ٶزەكتٸ بولاتىن نەمەسە تاياۋداعى ونجىلدىقتا پايدا بولاتىن ەڭبەك نارىعىنىڭ بولاشاق ترەندتەرٸن, ماماندىقتار مەن داعدىلاردى ايقىنداۋ.
«ەڭبەك مينيسترلٸگٸ دٷنيەجٷزٸلٸك بانكتٸڭ «ەڭبەك داعدىلارىن دامىتۋ جەنە جۇمىس ورىندارىن ىنتالاندىرۋ» جوباسى شەڭبەرٸندە 8 سالانى (مۇناي-گاز, اۋىل شارۋاشىلىعى, كٶلٸك جەنە لوگيستيكا, ماشينا جاساۋ, اقپاراتتىق-كوممۋنيكاتسييالىق تەحنولوگييالار, ەنەرگەتيكا, تۋريزم, قۇرىلىس سالالارى) قامتىدى. ال تاۋ-كەن-مەتاللۋرگييا سالاسىن زەرتتەۋدٸ «ەۋرازييالىق توپ» جشس ٶز بەتٸنشە جٷزەگە اسىردى. اتلاستى ەزٸرلەۋ ەدٸستەمەسٸ حالىقارالىق تەجٸريبەگە جەنە ەكونوميكا سالالارىن دامىتۋدىڭ ەلەمدٸك ترەندتەرٸنە نەگٸزدەلگەن. ول سالالىق ساراپشىلار رەتٸندە ٶندٸرٸس, مەملەكەتتٸك ورگاندار, سالالىق قاۋىمداستىقتار ٶكٸلدەرٸنٸڭ قاتىسۋىمەن راپيد فورسايت (rapid foresight) تەحنولوگيياسى بويىنشا پەندٸك تەرەڭ زەردەلەۋمەن بولجامدى سەسسييالار ٶتكٸزۋدٸ قامتىدى», - دەلٸنگەن مينيسترلٸكتٸڭ حابارلاماسىندا.
اۋقىمدى زەرتتەۋلەردٸڭ قورىتىندىسى بويىنشا جاڭا 239, ترانسفورماتسييالاناتىن 95 جەنە جوعالىپ بارا جاتقان 129 ماماندىق انىقتالعان. اتلاستا ايقىندالعان جاڭا ماماندىقتار بولاشاقتا جاڭا تەحنولوگييالاردىڭ ەنگٸزٸلۋٸنە سەيكەس قانداي قۇزىرەتتەر مەن قىزمەتكەرلەر سۇرانىسقا يە بولاتىنىن تٷسٸنۋگە مٷمكٸندٸك بەرەدٸ.
اتلاستىڭ نەتيجەسٸن ىڭعايلى پايدالانۋ ٷشٸن «ەلەكتروندىق ەڭبەك بيرجاسى» پورتالىنىڭ ينتەراكتيۆتٸ ٸشكٸ مودۋلٸندە ەلەكتروندىق سٸلتەمە, سونداي-اق IOS جەنە ANDROID پلاتفورمالارىنا ارنالعان اتلاستىڭ موبيلدٸ قوسىمشاسى ەزٸرلەنگەن.
