قازاقستاندا جەتٸ جاڭا ساياسي پارتييا تٸركەۋگە تۇرا المادى. بۇل تۋرالى مەجٸلٸستٸڭ جالپى وتىرىسىندا قر ەدٸلەت ۆيتسە-مينيسترٸ ناتاليا پان مەلٸم ەتتٸ, دەپ حابارلايدى "ۇلت اقپارات".
«ٶكٸلەتتٸ ورگان رەتٸندە ەدٸلەت مينيسترلٸگٸ ساياسي پارتييالاردىڭ مەملەكەت تٸركەۋٸنٸڭ ستاتيستيكاسىن جٷرگٸزەدٸ. وسى ورايدا 2017-2018 جىلدارمەن سالىستىرعاندا, 2019 جىلدا ساياسي بەلسەندٸلٸكتٸڭ جوعارىلاعانى بايقالدى. بٷگٸندە تٸركەلمەگەن 7 ۇيىم بار», - دەدٸ ناتاليا پان.
وسى ورايدا ول اتالعان ساياسي پارتييالار نە سەبەپتٸ تٸركەلمەگەنٸن اتاپ ٶتتٸ.
«تٸركەۋدەن باس تارتۋدىڭ سەبەبٸنە توقتالساق, جەتەۋدٸڭ بەسەۋٸ باستاماشى توپتاردىڭ تٸزٸمٸن ۇسىنباۋىنا قاتىستى. بٸرەۋٸندە ۇيىمداستىرۋ كوميتەتٸ قىزمەتٸنٸڭ مەرزٸمٸ ٶتٸپ كەتكەن, زاڭدا التى ايلىق مەرزٸم قاراستىرىلعان. بۇل تۇرعىدا ەدٸلەت مينيسترلٸگٸ تٸركەۋدەن باس تارتۋعا مەجبٷر بولادى. تاعى بٸر بٸرلەستٸك تەكسەرۋدەن ٶتٸپ جاتىر, ياعني ونىڭ مٷشەلەرٸ شەتەل ازاماتتارى, قۇقىق قورعاۋ ورگاندارىنىڭ قىزمەتكەرلەرٸ, ەسكەري قىزمەتشٸ, سۋديا بولماۋى كەرەك. وسىنداي شەكتەۋلەر بار. وسى رەتتە جالپى جەتٸ بٸرلەستٸك بار», - دەدٸ ناتاليا پان.
