سىبايلاس جەمقورلىققا قارسى ٸس-قيمىل اگەنتتٸگٸ ەلدە جەمقورلاردىڭ جازاسىن ٶتەۋ مەرزٸمٸن ۇزارتۋدى ۇسىنباق, دەپ حابارلايدى قازاقپارات.
«ەلباسى مەن مەملەكەت باسشىسىنىڭ تاپسىرماسىنا سەيكەس اگەنتتٸك مٷددەلٸ مەملەكەتتٸك ورگاندارمەن بٸرلەسٸپ, قاعيداتتىق سيپاتتا جاڭا باستامالاردى كٶتەرگەلٸ وتىر. سونداي باستامالاردىڭ بٸرٸ – جەمقورلىق جاساعان ادامنىڭ جاۋاپكەرشٸلٸگٸن كٷشەيتۋ مەسەلەسٸ. بٸز جەمقورلىقتىڭ اۋىر جەنە اسا اۋىر تٷرٸمەن سوتتالعان ادامنىڭ جازاسىن ٶتەۋ مەرزٸمٸن ۇزارتۋدى ۇسىنامىز», - دەدٸ سىبايلاس جەمقورلىققا قارسى ٸس-قيمىل اگەنتتٸگٸنٸڭ ەكٸمشٸلٸك-قۇقىقتىق دەپارتامەنتٸنٸڭ ديرەكتورى ايگٷل بازارباەۆا ونلاين رەجيمدە ٶتكەن باسپاسٶز مەسليحاتىندا.
دەپارتامەنت ديرەكتورى جەمقورلاردىڭ سوتتالۋىنا بايلانىستى باق-تاعى ماقالالار مەن جارييالانىمدارعا ىلعي مونيتورينگ جٷرگٸزٸلەتٸنٸن ايتىپ ٶتتٸ.
«جەمقورلىق قىلمىسىمەن سوتتالعان ادامنىڭ بەلگٸلٸ بٸر ۋاقىتتان كەيٸن شارتتى تٷردە بوستاندىققا شىعۋى – قوعامنىڭ ىزاسىن تۋعىزاتىنىن كٶرسەتٸپ وتىر. حالىقتىڭ پٸكٸرٸنشە, بيۋدجەتتەن ميلليونداپ اقشا جىمقىرعان نەمەسە ٶز لاۋازىمىن اسىرا پايدالانعان ادامعا جازاسىن جەڭٸلدەتۋ مٷمكٸندٸگٸ بەرٸلمەۋٸ كەرەك. ول تولىعىمەن جازا مەرزٸمٸن ٶتەۋٸ تيٸس», - دەدٸ ول.
