قازاقستاندا جەدەل اۋرۋحانا سالۋ تەجٸريبەسٸ تۇرعىن ٷي سالۋدا دا قولدانىلادى. بۇل تۋرالى BI Group كومپانيياسىنىڭ باسشىسى ايدىن راحىمباەۆ ايتىپ بەردٸ, دەپ حابارلايدى قازاقپارات.
جۋرناليستەر كومپانييا باسشىسىنا اۋرۋحانا سالۋداعى جەدەل تەحنولوگييالار تۇرعىن ٷي قۇرىسىندا قولدانىلا ما دەپ سۇراق قويعان ەدٸ.
«يە, بۇل زاۋىتتى جازدا اشىپ (مودۋل شىعاراتىن «Modex» زاۋىتى - رەد.), مامىر-ماۋسىم ايلارىندا جاڭا تۇرعىن ٷي قۇرىلىسىن باستاۋىمىز كەرەك ەدٸ. بۇل تەحنولوگييا 16 قاباتتىق تۇرعىن ٷيدٸ ٷش ايدا سالۋعا, بارلىق ٶڭدەۋ جٷرگٸزٸپ, كٸلتٸن بەرۋگە مٷمكٸندٸك بەرەدٸ. بۇل زاۋىتتى تۇرعىزۋدى بٸر جىل بۇرىن باستاپ ەدٸك, قازٸر كەدەگە جاراعانىنا قۋانىشتىمىز», - دەدٸ ايدىن راحىمباەۆ تٸلشٸلەرگە بەرگەن سۇحباتىندا.
«بۇل - ەڭ جاڭا تەحنولوگييا, زاۋىتتى كەيٸنٸرەك ٸسكە قوسامىز. وسى زاۋىت قۇرىلىس الاڭىندا 8-10 اداممەن عانا عيمارات تۇرعىزۋعا مٷمكٸندٸك بەرەدٸ. قازٸرگٸ قۇرىلىسقا ەربٸر كومپانييادان كوماندالار كەلدٸ. سەبەبٸ, ٷكٸمەت تاپسىرماسىمەن بۇل اۋرۋحانانى تەزٸرەك تۇرعىزۋىمىز كەرەك», - دەدٸ ايدىن راحىمباەۆ.
سونىمەن بٸرگە, سپيكەر مەردٸگەرلەردٸڭ كٶمەگٸ ٷشٸن ريزاشىلىق بٸلدٸردٸ.
«كٷن سايىن «قانداي كٶمەك كەرەك?» دەپ حابارلاسىپ جاتقاندار بار. كەشە «سەمەي-تسەمەنت» ديرەكتورى حابارلاسىپ, ماتەريالدى ەكٸ ەسە تٶمەندەتٸلگەن باعادا جەتكٸزۋدٸ ۇسىندى. مەردٸگەرلەر دە كٶمەك ۇسىنىپ, جيٸ حابارلاسادى», - دەدٸ ا. راحىمباەۆ.
ەسكە سالا كەتسەك, بٷگٸن ەلوردالىق جۋرناليستەر COVID-19 ۆيرۋسىن جۇقتىرعانداردى جاتقىزۋعا ارنالعان گوسپيتال قۇرىلىسىمەن تانىستى.
3 سەۋٸردە تج رەجيمٸن قامتاماسىز ەتۋ جٶنٸندەگٸ مەملەكەتتٸك كوميسسييا قازاقستاننىڭ ٷش ٸرٸ قالاسىندا جۇقپالى اۋرۋلار اۋرۋحانالارىن سالۋدى ۇيعاردى. ونىڭ قۇرىلىسىنا تەز تۇرعىزىلاتىن قۇرىلىمدار قولدانىلماق.
