قازاقستاندا ەۋە شابۋىلىنا قارسى قورعانىس ەسكەرلەرٸ مەن ەسكەري-ەۋە كٷشتەرٸ بٶلٸمدەرٸ مەن بٶلٸمشەلەرٸنٸڭ «جاۋىنگەرلٸك دوستاستىق - 2019» وقۋ-جاتتىعۋى باستالدى, دەپ حابارلايدى "ۇلت اقپارات" قر قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
اتالمىش شاراعا قازاقستان, قىرعىزستان جەنە رەسەي ەلدەرٸنەن ەۋە شابۋىلىنا قارسى قورعانىس ەسكەرلەرٸنٸڭ جاۋىنگەرلٸك ەسەپتەرٸ, سونداي-اق ەسكەري اۆياتسييا قاتىسادى.
قازاقستان قارۋلى كٷشتەرٸنٸڭ اتىنان ەۋە قورعانىسى كٷشتەرٸنٸڭ بارلىق ەسكەري بٶلٸمدەرٸ, ەۋە شابۋىلىنا قارسى قورعانىس ەسكەرلەرٸ مەن تەحنيكا, ەسكەري-ەۋە كٷشتەرٸ جۇمىلدىرىلدى. تەحنيكالىق بٶلٸم س-200ۆ, س-300پس, س-75, س-125, «تەكشە», «شەڭبەر» زەنيتتٸك-زىمىران كەشەندەرٸن, سۋ-30سم جاڭا جويعىشتار, سونىمەن قاتار ميگ-31 جەنە سۋ-27, سۋ-25, ل-39 ۇشاقتارىن, مي-35, مي-171, مي-17 تٸكۇشاقتارىن, قازاقستاندىق ٶندٸرٸستەن شىققان ەس-145 تٸكۇشاعى مەن WinlongWL ۇشقىشسىز اپپاراتىن ۇسىندى.
تەجٸريبەلٸك ٸس-قيمىلدار قازاقستاندا «سارىشاعان» جەنە رەسەيدە «اشۋلىق» ەسكەري پوليگوندارىندا ٶتەدٸ.
قازاقستاندىق بٶلٸمشەلەردەن باسقا «سارىشاعان» پوليگونىندا «جاۋىنگەرلٸك دوستاستىق» وقۋ-جاتتىعۋىنا قىرعىزستان قارۋلى كٷشتەرٸنٸڭ س-75, س-125 زەنيتتٸك زىمىران كەشەندەرٸنٸڭ جاۋىنگەرلٸك ەسەپتەرٸ دە قاتىسادى.
قازاقستان, قىرعىزستان جەنە رەسەي مەملەكەتتەرٸنٸڭ ەۋە شابۋىلىنا قارسى قورعانىس ەسكەرلەرٸنٸڭ جاۋىنگەرلٸك ەسەپتەۋلەرٸ زەنيتتٸك زىمىران كەشەندەرٸنٸڭ تٷرلٸ ٷلگٸلەرٸنەن تەجٸريبەلٸك اتىستاردى ورىندايدى. اۆياتسييا باسقارىلاتىن جەنە باسقارىلمايتىن اۆياتسييالىق زىمىراندار مەن بومبالاردى, اۆياتسييالىق زاقىمداۋ قۇرالدارىن جاۋىنگەرلٸك ماقساتتا قولدانا وتىرىپ, كٷندٸزگٸ جەنە تٷنگٸ ۋاقىتتا ۇشۋ قيمىلدارىن جٷرگٸزەدٸ.
بۇعان دەيٸن قازاقستاننىڭ ەۋە قورعانىسى كٷشتەرٸ جاۋىنگەرلٸك ەزٸرلٸكتٸڭ جوعارى دەرەجەسٸنە كەلتٸرٸلدٸ. ەسكەري بٶلٸمدەر مارش, وقۋ - جاتتىعۋ ٶتكٸزۋ اۋدانىنا كٶشٸرۋدٸ ورىنداسا, اۆياتسييا – جەدەل اەرودرومدارعا ۇشۋدى جٷرگٸزدٸ. قازٸرگٸ ۋاقىتتا ەۋە شابۋىلىنا قارسى قورعانىس پەن اۆياتسييا ەسكەرلەرٸ توپتارىنىڭ بٸرلەسكەن جاۋىنگەرلٸك ٸس-قيمىلدارىن جٷرگٸزۋ تەسٸلدەرٸ پىسىقتالۋدا.
