قازاقستاندا جاتىر موينى قاتەرلٸ ٸسٸگٸمەن اۋىراتىندار جىل سايىن كٶبەيٸپ كەلەدٸ. بۇل تۋرالى قر دەنساۋلىق ساقتاۋ مينيسترلٸگٸنٸڭ باس ونكولوگ دەرٸگەرٸ, قازاق ۇلتتىق ونكولوگييا جەنە راديولوگييا ينستيتۋتىنىڭ ديرەكتورى ديليارا قايداروۆا Instagram پاراقشاسىندا ٶتكەن تٸكەلەي ەفيردە ايتتى, دەپ حابارلايدى قازاقپارات.
«جاتىر موينى قاتەرلٸ ٸسٸگٸ 100% ەمدەلەدٸ. دٷنيەجٷزٸ بويىنشا الىپ قاراساق, جاتىر موينى قاتەرلٸ ٸسٸگٸ اۋرۋى ازايىپ كەلەدٸ. ٶكٸنٸشكە قاراي, سوڭعى 12 جىل بويى سكرينينگ جٷرگٸزٸپ كەلە جاتقانىنا قاراماستان قازاقستاندا بۇل دەرتپەن اۋىراتىندار سانى ازايماي تۇر, كەرٸسٸنشە كٶبەيٸپ كەلەدٸ. بٸر قۋانتاتىنى – اۋرۋدىڭ العاشقى ساتىدا انىقتالۋ جاعدايى كٶبەيدٸ. ەيەلدەردٸڭ 80%-ى بٸزگە اۋرۋدىڭ العاشقى ساتىسىندا كەلەدٸ. مۇنداي جاعدايدا ورگاندى ساقتاپ قالا وتىرىپ وتا جاسايمىز جەنە ٶمٸرٸنٸڭ ۇزارۋىنا مٷمكٸندٸك تۋادى. ەيەلگە وتا جاساعان كەزدە جاتىر موينىن ساقتاپ قالا الساق – ارادا 5 جىل ٶتكەندە بالا كٶتەرۋٸنە رۇقسات ەتە الامىز», - دەيدٸ باس ونكولوگ دەرٸگەر ديليارا
سونداي-اق, ول پاندەمييا جاتىر موينى قاتەرلٸ ٸسٸگٸن انىقتاۋعا قالاي ەسەر ەتكەنٸن ايتتى.
«پاندەمييا كەزٸندە ەمحانالاردىڭ بەرٸ جابىق بولدى. كٶپتەگەن ادام سكرينينگتەن ٶتۋگە بارا المادى. ٶتكەن جىلدىڭ قىركٷيەك ايىندا كوروناۆيرۋسقا قاتىستى جاعداي تۇراقتالعان كەزدە بٸز ايماقتاردى ارالاپ, سكرينينگ ٶتۋگە شاقىردىق. قازٸرگٸ ۋاقىتتا تەكسەرٸلگەندەر قاتارى 70% عانا قامتىلدى. ەمحانادا الدىن الا جازىلىپ, سكرينينگتەن ٶتۋلەرٸڭٸزدٸ سۇرايمىن. كوروناۆيرۋس – ينفەكتسييا, بٸز ودان قالاي قورعانۋ كەرەك ەكەنٸن بٸلەمٸز, ال قاتەرلٸ ٸسٸككە قاتىستى جاعداي باسقاشا. مٸندەتتٸ تٷردە ۋاقىتىلى تەكسەرٸلٸپ وتىرۋىمىز كەرەك», - دەيدٸ ول.
