فوتو: primeminister.kz
استانادا قر پرەمەر-مينيسترٸ ەليحان سمايىلوۆتىڭ تٶراعالىعىمەن ورتالىق مەملەكەتتٸك ورگانداردىڭ باسشىلارى جەنە ديپلوماتييالىق كورپۋس ٶكٸلدەرٸنٸڭ قاتىسۋىمەن «قازاقستان-ەۋرووداق» ديالوگ پلاتفورماسىنىڭ 12-شٸ وتىرىسى ٶتتٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ٷكٸمەت باسشىسى ٶز سٶزٸندە ەۋروپالىق وداقپەن ەرٸپتەستٸكتٸ كەڭەيتۋ قازاقستاننىڭ باسىمدىقتارىنىڭ بٸرٸ ەكەنٸن اتاپ ٶتتٸ. رەسپۋبليكا ساۋدا-ەكونوميكالىق جەنە ينۆەستيتسييالىق ىنتىماقتاستىقتى ودان ەرٸ تەرەڭدەتۋ ٷشٸن قولدا بار مٷمكٸندٸكتەردٸ پايدالانۋعا مٷددەلٸ. اتاپ ايتقاندا, مۇنداعى پەرسپەكتيۆالىق باعىتتار – «جاسىل ەكونوميكاعا» كٶشۋ جەنە ٶزارا كٶلٸكتٸك بايلانىستى نىعايتۋ.
پرەمەر-مينيستر ەكولوگييالىق كٷن تەرتٸبٸ قازاقستان ەكونوميكاسىنىڭ ورنىقتى دامۋىندا نەگٸزگٸ باسىمدىقتاردىڭ بٸرٸ ەكەنٸن اتاپ ٶتتٸ. مەسەلەن, 2030 جىلعا قاراي ەلٸمٸز ٶزٸنٸڭ ەنەرگييا تەڭگەرٸمٸندەگٸ جاڭارتىلاتىن ەنەرگييا كٶزدەرٸنٸڭ ٷلەسٸن اعىمداعى 4,5%-دان 15%-عا دەيٸن ارتتىرۋدى جوسپارلاپ وتىر.
«ەۋروپا ەلدەرٸنٸڭ بالامالى ەنەرگييا سالاسىنداعى تەجٸريبەسٸ مەن جەتٸستٸكتەرٸن ەسكەرە وتىرىپ, بٸز بٸرلەسكەن جاڭا جوبالاردى ٸسكە اسىرۋعا مٷددەلٸمٸز», — دەدٸ ەليحان سمايىلوۆ.
ول تۇراقتى شيكٸزاتتىڭ, اككۋمۋلياتورلىق باتارەيالاردىڭ جەنە جاسىل سۋتەگٸنٸڭ قۇنىن قۇرۋ تٸزبەگٸ سالاسىنداعى ستراتەگييالىق ەرٸپتەستٸك تۋرالى ٶزارا تٷسٸنٸستٸك مەموراندۋم وسى باعىتتاعى ماڭىزدى وقيعا بولعانىن ايتتى. بۇل رەتتە وسى سالاداعى سەرٸكتەستٸك قازٸردٸڭ ٶزٸندە ناقتى قادامدارمەن نىعايتىلۋدا. اتاپ ايتقاندا, 21 ماۋسىمدا ماڭعىستاۋ وبلىسىندا «جاسىل» سۋتەگٸن ٶندٸرۋ بويىنشا Svevind كومپانيياسىنىڭ ٸرٸ جوباسى ٸسكە قوسىلدى.
پرەمەر-مينيستر سونداي-اق ترانزيتتٸك-كٶلٸك ىنتىماقتاستىعى سالاسىندا ترانسكاسپيي حالىقارالىق كٶلٸك باعىتىنىڭ (تحكب) رٶلٸ ارتىپ كەلە جاتقانىن اتاپ ٶتتٸ. بٷگٸندە قازاقستان مارشرۋتتىڭ باسقا قاتىسۋشىلارىمەن بٸرلەسٸپ ورتا دەلٸزدەگٸ «تار جەرلەردٸ» سينحروندى جويۋ بويىنشا بەلسەندٸ جۇمىس جٷرگٸزٸپ وتىر. سونىمەن قاتار رەسپۋبليكا ورتا دەلٸزدٸ ترانسەۋروپالىق كٶلٸك جەلٸسٸمەن جەنە Global Gateway باستاماسىمەن ۇشتاستىرۋ بويىنشا ەۋروپالىق سەرٸكتەستەرمەن بٸرلەسٸپ جۇمىس ٸستەۋگە دايىن.
«جالپى قازاقستان مەن ەۋرووداقتىڭ “جاسىل” ەكونوميكا, كٶلٸك جەنە لوگيستيكا سالالارىنداعى ەرٸپتەستٸكتٸ ودان ەرٸ تەرەڭدەتۋ بويىنشا مٷمكٸندٸكتەرٸ كٶپ», — دەدٸ ەليحان سمايىلوۆ.
سونىمەن قاتار ٷكٸمەت باسشىسى ەۋروپالىق ەرٸپتەستەرٸنە ەزەربايجان مەن گرۋزيياعا رەسمي ساپارى اياسىندا كەلٸسٸلگەن تحكب-نى دامىتۋ جٶنٸندەگٸ ۋاعدالاستىقتار مەن قول قويىلعان كەلٸسٸمدەر تۋرالى ەگجەي-تەگجەيلٸ ايتىپ بەردٸ.
ەو-نىڭ قازاقستانداعى ەلشٸسٸ كەستۋتيس يانكاۋسكاس ەۋرووداق پەن قازاقستان اراسىنداعى قارىم-قاتىناستار جاقسى قارقىنمەن دامىپ كەلە جاتقانىن, بۇل رەتتە جاڭارتىلاتىن ەنەرگييا كٶزدەرٸ سالاسىنداعى جاڭا جوبالاردى ٸسكە اسىرۋ جەنە ٶزارا كٶلٸك بايلانىسىن نىعايتۋ الداعى بٸرلەسكەن جۇمىستىڭ نەگٸزگٸ باعىتتارىنىڭ بٸرٸ ەكەنٸن اتاپ ٶتتٸ.
«كليماتتىڭ ٶزگەرۋٸ جاھاندىق قاۋٸپ بولىپ وتىر. ەۋروپالىق وداق 2050 جىلعا قاراي نٶلدٸك زيياندى قالدىقتار ەكونوميكاسىنا كٶشۋ جٶنٸندەگٸ مٸندەتتەمەسٸ تۋرالى بٸرنەشە رەت جارييالاعان بولاتىن. بٸز قازاقستاندى وسى باعىتتا كومپانييالارىمىز مەن بانكتەرٸمٸزدٸڭ ناقتى جوبالارى ارقىلى قولداعىمىز كەلەدٸ», — دەدٸ كەستۋتيس يانكاۋسكاس.
ودان بٶلەك وداقتىڭ ەلٸمٸزدەگٸ ەلشٸسٸ كٶلٸك ينفراقۇرىلىمىن دامىتۋ جەنە ورتا دەلٸز ارقىلى جٷك تاسىمالداۋدى ارتتىرۋ ٷشٸن لوگيستيكالىق ٷدەرٸستەردٸ وڭتايلاندىرۋ جٶنٸندەگٸ ٶڭٸرلٸك باستامالاردى جوعارى باعالادى.
وتىرىس بارىسىندا لوگيستيكا جەنە كٶلٸك سالاسىنداعى ٶزەكتٸ مەسەلەلەر, ونىڭ ٸشٸندە ەكٸمشٸلٸك جەنە ينفراقۇرىلىمدىق كەدەرگٸلەردٸ جويۋ, جەك-تٸ دامىتۋ, ەكولوگييالىق تازا وتىن تٷرلەرٸنە كٶشۋ جەنە باسقا دا بٸرقاتار مەسەلە جان-جاقتى تالقىلاندى.
شاراعا فينلياندييا مەن رۋمىنييانىڭ قازاقستانداعى ەلشٸلەرٸ, Globalia LTD, Deutsche Bahn جەنە Scania Central Asia LLP كومپانييالارىنىڭ ٶكٸلدەرٸ قاتىستى. اتالعان مەسەلەلەر بويىنشا رەسپۋبليكانىڭ ورتالىق مەملەكەتتٸك ورگاندارى مەن ۇلتتىق كومپانييالارىنىڭ باسشىلارى وي-پٸكٸرلەرٸن ورتاعا سالدى.
