بٷگٸن ٷكٸمەت وتىرىسىندا قر ەنەرگەتيكا مينيسترٸ نۇرلان نوعاەۆ جاڭارتىلاتىن ەنەرگييا سالاسىنا قانشا ينۆەستيتسييا تارتىلعانىن ايتتى, دەپ حابارلايدى قازاقپارات.
«سوڭعى جىلدارى حالىقارالىق قارجى ينستيتۋتتارىمەن جەنە ۇيىمدارمەن بٸرقاتار كەلٸسٸم مەن مەموراندۋمعا قول قويۋ ارقىلى سەكتورعا 240 ملرد تەڭگە (نەمەسە 613 ملن اقش دوللارى) سوماعا ينۆەستيتسييا تارتۋ بويىنشا جۇمىس جٷرگٸزٸلدٸ. «جاسىل» ەنەرگييا سەكتورىندا قازٸر ەلەمنٸڭ 10 ەلٸنەن ينۆەستورلار, سونداي-اق ەۋروپا قايتا قۇرۋ جەنە دامۋ بانكٸ, ازييا دامۋ بانكٸ, ازييا ينفراقۇرىلىمدىق ينۆەستيتسييالار بانكٸ, قازاقستان دامۋ بانكٸ سيياقتى ٸرٸ قارجى ۇيىمدارى جۇمىس ٸستەيتٸنٸن اتاپ ٶتكٸم كەلەدٸ», - دەدٸ مينيستر.
ونىڭ ايتۋىنشا, سونىمەن قاتار «جاسىل» ەنەرگييا سالاسىنا ينۆەستورلار رەتٸندە ەني, توتال سيياقتى ٸرٸ مۇناي كومپانييالارى كەلٸپ, قازاقستاندا بٸرقاتار جاڭارتىلاتىن ەنەرگەتيكا جوباسىن ٸسكە اسىردى, ەرٸ ولاردىڭ وسى سالانى ودان ەرٸ دامىتۋ جٶنٸندە ناقتى جوسپارلارى بار.
«قارجى-ەسەپ ايىرىسۋ ورتالىعى قىزمەتٸن باستاعان سەتتەن باستاپ جاڭارتىلاتىن ەنەرگەتيكا سەكتورىنا شامامەن 626 ملرد تەڭگە تارتىلدى, ال سالىنعان نىسانداردان شامامەن 81 ملرد تەڭگە سالىق تٶلەنەتٸن بولادى», - دەدٸ نوعاەۆ.
