قازاقستانعا شەتەلدەن ەكەلٸنەتٸن كوروناۆيرۋسقا قارسى ۆاكتسينالار تولىق باقىلاۋ مەن زەرتتەۋدەن ٶتكەن جەنە ەلٸمٸزدە وسى كٷنگە دەيٸن ۆاكتسينانىڭ سالدارىنان ادام ٶلٸمٸ تٸركەلگەن ەمەس.
بۇل تۋرالى قر دەنساۋلىق ساقتاۋ مينيسترلٸگٸ سانيتارلىق-ەپيدەميولوگييالىق باقىلاۋ كوميتەتٸنٸڭ رەسمي ٶكٸلٸ ەرجان بايتاناەۆ مەلٸم ەتتٸ, دەپ حابارلايدى قازاقپارات.
«بٸزدٸڭ ەلدە بار ۆاكتسينالار تولىق باقىلاۋدان ٶتكەن. ياعني قازاقستانعا ەكەلٸنەتٸن ۆاكتسينا الدىمەن شىعارىلعان ەلدە باقىلاۋدان ٶتٸپ, رەسمي تٸركەلەدٸ. بٸزگە ەكەلگەن سوڭ ونى ۇلتتىق ساراپتاما ورتالىعى تاعى تەكسەرەدٸ. سودان سوڭ بارىپ قانا تٸركەيدٸ. بٸزدٸڭ ماماندار ۆاكتسينانى باقىلاپ قانا قويماي, ونى زەرتتەيدٸ. وسى كٷنگە دەيٸن ۆاكتسينانىڭ سالدارىنان ادامنىڭ قايتىس بولۋ جاعدايى تٸركەلگەن ەمەس», - دەدٸ ەرجان بايتاناەۆ «حابار» تەلەارناسىنا بەرگەن سۇحباتى بارىسىندا.
ونىڭ ايتۋىنشا, قازاقستاندىقتار كٶبٸنەسە كوروناۆيرۋسقا قارسى سپۋتنيك V ۆاكتسيناسىن الىپ جاتىر.
سونداي-اق, كوميتەتتٸڭ رەسمي ٶكٸلٸ جاسٶسپٸرٸمدەردٸڭ ەكپە الۋىنا قاتىستى پٸكٸر بٸلدٸردٸ.
«بٸزدە جاسٶسپٸرٸمدەرگە ارنالعان (12-17 جاس) Pfizer ۆاكتسيناسى بار. بۇل ۆاكتسينانى ەلەم مويىنداپ وتىر جەنە ٷلكەن سۇرانىسقا يە. اتا-انالار بالالارىن ٸندەتتەن قورعاۋ ماقساتىندا بۇل مٷمكٸندٸكتٸ پايدالانۋى كەرەك. ٶكٸنٸشكە قاراي, ٶزدەرٸ ۆاكتسينا المايتىن جەنە بالاسىنا دا الۋعا رۇقسات بەرمەيتٸن اتا-انالار بار. ەرينە, اتا-انانىڭ نەمەسە اسىراۋشىنىڭ رۇقساتىنسىز بالاعا ۆاكتسينا سالىنبايدى. بٸز ەشكٸمدٸ مەجبٷرلەي المايمىز. مۇنداي جاعدايدا وتباسىنىڭ باسقا مٷشەلەرٸنٸڭ ەكپە العانى جٶن», - دەيدٸ ول.
