بەلگٸلٸ اللەرگولوگ-يممۋنولوگ رافايل روزەنسون پاندەمييانىڭ اياقتالۋ ىقتيمالدىعىنا قاتىستى پٸكٸر بٸلدٸردٸ, دەپ حابارلايدى قازاقپارات.
«بٸز پاندەمييالىق جاعداي اياقتالعان نەمەسە اياقتالۋعا جاقىن ٷش ەل بار ەكەنٸن بٸلەمٸز. بۇل ەلدەردٸڭ تەجٸريبەسٸ نەنٸ كٶرسەتتٸ? ۆاكتسينا العان ادامداردىڭ 70%-ىنا جەتكەننەن كەيٸن اۋرۋ جۇقتىرۋ كٶرسەتكٸشٸ توقتادى (يزرايل) نەمەسە 0-گە جاقىنداپ كەلەدٸ (اقش جەنە ۇلىبريتانييا). مىسالى, بٷگٸندە يزرايلدە 40-قا جۋىق ادام رەانيماتسييادا جاتىر. ال بٸر جىل بۇرىن بۇدان ەلدەقايدا كٶپ ادام اۋرۋحانادا جاتقان ەدٸ», - دەدٸ رافايل روزەنسون دەنساۋلىق ساقتاۋ مينيسترلٸگٸ ۇيىمداستىرعان دەرٸستە.
ساراپشى يتالييا مەن يسپانيياداعى, اقش-تاعى جاعدايلارعا دا توقتالدى.
«بىلتىر يتالييا مەن يسپانييادا بٸر ۋاقىتتا ونداعان مىڭ ادام اۋىرعانىن بٸلەسٸزدەر. ولار ۆاكتسينالاۋدى بٸرٸنشٸ بولىپ باستادى دا, ناۋرىز ايىندا ەكپە العانداردىڭ ٷلەسٸ 65%-عا جەتتٸ. سودان كەيٸن سىرقاتتانۋ كٶرسەتكٸشٸ ازايىپ كەلەدٸ. اقش-تا ۆاكتسينالاۋ قاڭتار ايىندا باستالدى. ال مامىردا ايتارلىقتاي جەتٸستٸكتەرگە جەتتٸ. بٷگٸندە ولاردىڭ شامامەن 70%-ى ەكپە العان. سونىمەن قاتار, اۋرۋ جاعدايى ەڭ تٶمەنگٸ كٶرسەتكٸشتەرگە جاقىنداپ كەلەدٸ. بريتاندىقتار دا ولاردى ٶكشەلەپ جەتٸپ قالدى», - دەدٸ يممۋنولوگ.
اللەرگولوگ ينفەكتسييانى تەك جاپپاي ۆاكتسيناتسييا ارقىلى جەڭۋگە بولاتىنىنا سەنٸم بٸلدٸردٸ.
«ۆاكتسيناعا قارسىلار قانشا ايقايلاسا دا, ەلەم حالىقتىڭ 75%-دان استامى ۆاكتسينا السا, مۋتاتسييالانعان ۆيرۋستى جەڭەتٸنٸن كٶرسەتتٸ. ٶيتكەنٸ ۆيرۋستىڭ تٸزبەگٸ ٷزٸلەدٸ. اۋرۋ جۇقتىرۋ كٶرسەتكٸشٸ قۇلاسىن دەسەك, ەڭ بولماعاندا 70-75 پايىز حالىق ۆاكتسينا الۋى كەرەك. مەنٸڭ بٸلۋٸمشە, ا.تسوي مىرزا 1 ماۋسىمدا بەرگەن ەسەبٸندە 3,2 ميلليون قازاقستاندىق ۆاكتسينا العانىن مەلٸم ەتتٸ. مەنٸڭ تٷسٸنۋٸمشە, قازٸر بٸزدە ايىنا 2 ميلليون ادامدى ۆاكتسينالاۋ مٷمكٸندٸگٸ بار. سوندا ۇجىمدىق يممۋنيتەتتٸڭ 60%-دىق كٶرسەتكٸشٸنە قول جەتكٸزۋ ٷشٸن 11 ملن ادام قاجەت بولسا, بٸز قىركٷيەك ايىنىڭ سوڭىنا دەيٸن وسى مەجەگە جەتەمٸز», - دەپ تٷيٸندەدٸ رافايل روزەنسون.
