قازاقستاندا بايلانىس ساپاسىنىڭ مينيمالدى شەگٸ رەتتەلەدٸ. بۇل تۋرالى بٷگٸن ٷكٸمەت وتىرىسىندا قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ايتتى, دەپ حابارلايدى قازاقپارات.
«بايلانىس سالاسى بويىنشا ٶتكەن جىلى 2 اۋقىمدى جوبا ٸسكە اسىرىلدى. وسىلايشا 5 330 اۋىلدى ينتەرنەتپەن قامتاماسىز ەتۋ جۇمىسى اياقتالدى. بٸراق, تەكسەرۋ جٷرگٸزدٸك. 510 اۋىلدا ينتەرنەت جىلدامدىعىنا قاتىستى مەسەلە قالىپ وتىر. كەلەسٸ ەكٸ جىل بايلانىس ساپاسىن جاقسارتۋ بويىنشا جۇمىس جٷرگٸزەمٸز. ياعني, 286 اۋىلدى 3G-4 G ستاندارتتارىنا اۋىستىرۋ, 224 اۋىلدى سپۋتنيكتٸك ترانسميسسييادان تالشىقتى بايلانىس جەلٸسٸنە اۋىستىرۋ, سانى 250 ادامنان كەم 242 اۋىلعا موبيلدٸ ينتەرنەت ٶتكٸزەمٸز. جالپى العاندا 750 اۋىلدا ينتەرنەت ساپاسى ەدەۋٸر ٶسەدٸ. 2021 جىلى وپەراتورلار 752 بازالىق ستانسا سالادى. وعان قوسا تاعى 560 ستانسانى جاڭارتادى», - دەدٸ مينيستر.
سونىمەن قاتار ول قالالالاردا دا بايلانىس سالاسىندا پروبلەمالار بار ەكەندٸگٸن ايتا كەلە, ەكٸمدەردەن بازالىق ستانسالاردا ورناتۋ ٷشٸن وپەراتورلارعا عيماراتتارعا رۇقسات الۋدى قامتاماسىز ەتۋگە, انتەنالار ورنالاستىرۋ ورىندارىن ٸزدەستٸرۋگە كٶمەك كٶرسەتۋدٸ ٶتٸندٸ.
«بۇرىن بايلانىس ساپاسىنىڭ مينيمالدى شەگٸ رەتتەلمەگەن ەدٸ. بٸز ارناۋلى بۇيرىق جوباسىن ەزٸرلەدٸك. وندا بايلانىس ساپاسى كٶرسەتكٸشتەرٸن انىقتادىق. مىسالى, 4G بايلانىس ستاندارتى بويىنشا كەمٸندە سەكۋندىنا 5 مب قاجەت ەتٸلەتٸندٸگٸ ايقىندالدى. قۇجات كٶپشٸلٸك تالقىلاۋدان ٶتتٸ. مەملەكەتتٸك ورگاندارمەن كەلٸسٸپ, ەكٸ ايدىڭ ٸشٸندە بۇيرىقتى قابىلدايتىن بولامىز», - دەدٸ باعدات مۋسين.
