9 ناۋرىزداعى دەرەك بويىنشا, قازٸر قازاقستاندا كوروناۆيرۋس تاراعان ەلدەردەن كەلگەن 3676 ادام كارانتيندە. بۇل تۋرالى قازاقستان دەنساۋلىق ساقتاۋ مينيسترلٸگٸ حابارلادى.
قىتاي, وڭتٷستٸك كورەيا يا يراننان كەلگەن 1053 ادام, يتالييادان كەلگەن 182 ادام, گەرمانييا مەن يسپانييادان كەلگەن 2849 ادام مەديتسينالىق باقىلاۋدا. 408 ادام كارانتيننەن شىققان.
مينيسترلٸكتٸڭ دەرەگٸنشە, باقىلاۋداعى ادامداردىڭ اناليزدەرٸ الماتىداعى ايقىمباەۆ اتىنداعى كارانتيندٸك جەنە زوونوزدى جۇقپالىلار قازاق عىلىمي ورتالىعىنا جٸبەرٸلگەن.
ٷكٸمەتتٸڭ مەلٸمدەۋٸنشە, قازاقستاندا كوروناۆيرۋس جۇقتىرعاندار جوق. قازاقستان ٷكٸمەتٸنٸڭ شەشٸمٸمەن ۆيرۋس كٶپ تاراعان ەلدەردەن كەلگەندەر 14 كٷن كارانتينگە جٸبەرٸلەدٸ.
قىتايدا تاراعان Covid-19 ۆيرۋسىن ەلەمدە جۇقتىرعاندار سانى 110 مىڭعا جۋىقتاپ قالدى. 3800-دەي ادام قازا بولدى.
ۆيرۋس تاراعان قىتايدا 8 ناۋرىزدا 41 ادام دەرتكە شالدىققانى بەلگٸلٸ بولدى. بۇل ەلدە كٷننەن-كٷنگە ۆيرۋس جۇقتىرعاندار سانى ازايىپ كەلەدٸ. دەگەنمەن, قىتايدا قاڭتاردىڭ باسىنان بەرٸ 80 مىڭ ادام ۆيرۋس جۇقتىرىپ, ٷش مىڭنان استام ادام وپات بولدى.
ال وڭتٷستٸك كورەيادا ۆيرۋس جۇقتىرعاندار 7400-گە جۋىقتادى. ەلۋ ادام قازا بولدى.
يراندا ۆيرۋس جۇقتىرعاندار جەتٸ مىڭعا ادامعا جەتتٸ. 9 ناۋرىزدا ۆيرۋستان باقيلىق بولعاندار 230-دان استى.
8 ناۋرىزداعى دەرەك بويىنشا, يتالييادا قازٸر 7375 ادام دەرتكە شالدىعىپ, 366 ادام ٶمٸردەن ٶتتٸ. يتالييا ۆيرۋس كٶپ تاراعان سولتٷستٸك ايماقتى, 16 ميلليونداي حالىقتى, 3 سەۋٸرگە دەيٸن كارانتينگە جاپتى.
