قازاقستان ۋران ٶندٸرۋشٸ كومپانييالارعا جاڭاشا مٸندەتتەمە جٷكتەگەلٸ وتىر, دەپ حابارلايدى قازاقپارات.
ەدٸلەت مينيسترلٸگٸندە ٶتكەن ۆەدومستۆوارالىق كوميسسييا وتىرىسىندا مەجٸلٸسمەندەر كٶتەرگەن «قر جەر قويناۋى جەنە جەر قويناۋىن پايدالانۋ» كودەكسٸنە ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىنىڭ ۋران ٶندٸرۋ مەسەلەسٸ بويىنشا بٶلٸگٸ قارالدى.
«بٸز ۋران قورى بويىنشا ەلەمدە كٶشباسشىمىز. سول سەبەپتٸ ينۆەستورلار بٸزگە كەلگەندە زاڭنامالىق تالاپتار ايقىن رەتتەلٸپ تۇرۋ كەرەك. ۋران ٶندٸرۋ كەلٸسٸمشارتىنىڭ مەرزٸمٸن ۇزارتۋ مەسەلەسٸ ينۆەستورلار ٷشٸن ٶتە ماڭىزدى. بٸراق كەلٸسٸمشارت مەرزٸمٸن ۇزارتۋ – ينۆەستيتسييالىق مٸندەتتەمەلەر اياسىندا ٸسكە اسۋى تيٸس دەپ تالاپ قويىپ وتىرمىز. سەبەبٸ ينۆەستورلار ۋران ٶندٸرٸلەتٸن ٶڭٸرلەردەگٸ حالىقتىڭ رادياتسييالىق قاۋٸپسٸزدٸگٸ مەن قورشاعان ورتا تازالىعىنا عانا ەمەس, ايماق ەكونوميكاسىنىڭ دامۋىنا, قوسىمشا جۇمىس ورىندارىنىڭ اشىلىپ, ەلەۋمەتتٸك ينفراقۇرىلىمنىڭ قالىپتاسۋىنا كٶڭٸل بٶلۋٸ كەرەك», - دەدٸ قر پارلامەنت مەجٸلٸسٸنٸڭ ەكولوگييا جەنە تابيعات پايدالانۋ مەسەلەلەرٸ بويىنشا كوميتەت مٷشەسٸ يرينا ۋنجاكوۆا ۆەدومستۆوارالىق كوميسسييانىڭ وتىرىسىنان كەيٸن تٸلشٸلەرگە.
ونىڭ ايتۋىنشا, 2019 جىلدىڭ 1 قاڭتارىنداعى زاڭ تالابى بويىنشا جەر قويناۋىن پايدالانۋشىلار ۋران قورى العاش كٶرسەتٸلگەن مٶلشەردەن كٶپ ەكەنٸ انىقتالعان جاعدايدا كوممەرتسييالىق بونۋس رەتٸندە ارتىق قوردىڭ بٸر پايىزىنا تەڭ تٶلەم اۋدارۋ كەرەك. جاڭادان ۇسىنىلىپ وتىرعان زاڭ تالابىندا بۇل بونۋس ەلٸ ناقتىلانباعان. بٸراق بۇل تالاپ ۋران قورى باستاپقى مٶلشەردەن 30 پايىزعا پايىز ارتىق بولعاندا عانا اۋدارىلادى.
ال ەنەرگەتيكا ۆيتسە-مينيسترٸ ەسەت ماعاۋوۆتىڭ ايتۋىنشا, بۇرىن ۋران كەنٸشٸنەن قوسىمشا قور تابىلسا, سالىق ورگاندارى كوممەرتسييالىق بونۋستى تالاپ ەتٸپ كەلگەن كٶرٸنەدٸ. ال قوسىمشا قوردىڭ بارى دەلەلدەنبەسە, شىققان شىعىندى ەشكٸم قايتارمايتىن.
«ەندٸ بارلاۋ كومپانييالارىن ىنتالاندىرۋ ٷشٸن بۇل بونۋستى الىپ تاستادىق. ونىڭ ورنىنا ەلەۋلٸ مٶلشەردە قوسىمشا كەن تابىلسا, ينۆەستور بەلگٸلٸ بٸر پايىزىن جەرگٸلٸكتٸ ايماقتىڭ دامۋىنا باعىتتايتىن بولادى. وسىعان بايلانىستى ەندٸ ينۆەستور ٶز جوباسىمەن بٸرگە ٶڭٸردٸ دامىتۋعا قاتىستى جوسپارلارىن دا ۇسىنۋعا مٸندەتتەلەدٸ. بۇل ٶزگەرٸسكە بٸرٸنشٸ كەزەكتە مەملەكەت مٷددەلٸ», - دەيدٸ ەسەت ماعاۋوۆ.
