Qazaqstan ýran óndirýshi kompaniialarǵa jańasha mindetteme júktegeli otyr, dep habarlaidy QazAqparat.
Ádilet ministrliginde ótken vedomstvoaralyq komissiia otyrysynda májilismender kótergen «QR jer qoinaýy jáne jer qoinaýyn paidalaný» Kodeksine ózgerister men tolyqtyrýlar engizý týraly» zań jobasynyń ýran óndirý máselesi boiynsha bóligi qaraldy.
«Biz ýran qory boiynsha álemde kóshbasshymyz. Sol sebepti investorlar bizge kelgende zańnamalyq talaptar aiqyn rettelip turý kerek. Ýran óndirý kelisimshartynyń merzimin uzartý máselesi investorlar úshin óte mańyzdy. Biraq kelisimshart merzimin uzartý – investitsiialyq mindettemeler aiasynda iske asýy tiis dep talap qoiyp otyrmyz. Sebebi investorlar ýran óndiriletin óńirlerdegi halyqtyń radiatsiialyq qaýipsizdigi men qorshaǵan orta tazalyǵyna ǵana emes, aimaq ekonomikasynyń damýyna, qosymsha jumys oryndarynyń ashylyp, áleýmettik infraqurylymnyń qalyptasýyna kóńil bólýi kerek», - dedi QR Parlament Májilisiniń Ekologiia jáne tabiǵat paidalaný máseleleri boiynsha komitet múshesi Irina Ýnjakova vedomstvoaralyq komissiianyń otyrysynan keiin tilshilerge.
Onyń aitýynsha, 2019 jyldyń 1 qańtaryndaǵy zań talaby boiynsha jer qoinaýyn paidalanýshylar ýran qory alǵash kórsetilgen mólsherden kóp ekeni anyqtalǵan jaǵdaida kommertsiialyq bonýs retinde artyq qordyń bir paiyzyna teń tólem aýdarý kerek. Jańadan usynylyp otyrǵan zań talabynda bul bonýs áli naqtylanbaǵan. Biraq bul talap ýran qory bastapqy mólsherden 30 paiyzǵa paiyz artyq bolǵanda ǵana aýdarylady.
Al Energetika vitse-ministri Áset Maǵaýovtyń aitýynsha, buryn ýran kenishinen qosymsha qor tabylsa, salyq organdary kommertsiialyq bonýsty talap etip kelgen kórinedi. Al qosymsha qordyń bary dáleldenbese, shyqqan shyǵyndy eshkim qaitarmaityn.
«Endi barlaý kompaniialaryn yntalandyrý úshin bul bonýsty alyp tastadyq. Onyń ornyna eleýli mólsherde qosymsha ken tabylsa, investor belgili bir paiyzyn jergilikti aimaqtyń damýyna baǵyttaityn bolady. Osyǵan bailanysty endi investor óz jobasymen birge óńirdi damytýǵa qatysty josparlaryn da usynýǵa mindetteledi. Bul ózgeriske birinshi kezekte memleket múddeli», - deidi Áset Maǵaýov.
