قازاقستاندا "ۇلتتىق رۋحاني جاڭعىرۋ" باعدارلاماسىن جٷزەگە اسىرۋعا 119 ميلليارد تەڭگە جۇمسالماق. بۇل تۋرالى اقپارات جەنە قوعامدىق دامۋ مينيسترٸ ايدا بالاەۆا مەلٸمدەدٸ, - دەپ حابارلايدى Tengrinews.kz تٸلشٸسٸ.
"ۇلتتىق رۋحاني جاڭعىرۋ" ۇلتتىق جوباسى 2021-2025 جىلدارعا ارنالعان. جوبا مٸندەتتەرٸنٸڭ ٸشٸندە زيياتكەرلٸك ەلەۋەتتٸ دامىتۋ, قازاق تٸلٸنٸڭ دامۋىنا جاعداي جاساۋ, جاستار ٷشٸن جاڭا مٷمكٸندٸكتەردٸ اشۋ سەكٸلدٸ مەسەلەلەر قاراستىرىلعان.
"جوبانىڭ بيۋدجەتٸ 119 ميلليارد تەڭگە. بۇل جوبا 2025 جىلعا دەيٸن جٷزەگە اسىرىلادى. يدەولوگييا - بۇل بەلگٸلٸ بٸر سالا, ونى العا جىلجىتۋ مەملەكەت ٷشٸن قولايلى. شىن مەنٸندە, بۇل - ادامداردىڭ ساناسىنا ينۆەستيتسييا سالۋ, ونىڭ قايتارىمى قوعام ٶمٸرٸنٸڭ بارلىق سالالارىندا: ەكونوميكادا, ەلەۋمەتتٸك سالادا, مەدەنيەتتە, بٸلٸم بەرۋدە جەنە ت.ب. كٶرٸنەدٸ. سوندىقتان بۇل سومانىڭ باسىم بٶلٸگٸ, رەسپۋبليكالىق بيۋدجەتتەن 110 ميلليارد جەنە 9 ميلليارد جەرگٸلٸكتٸ بيۋدجەتتەن بٶلٸنەتٸن بولادى.
ەر تەڭگەنٸ ماماندار ەگجەي-تەگجەيلٸ ەسەپتەپ, ەر جوبا مۇقييات قارجىلىق ساراپتامادان ٶتتٸ. سونىمەن قاتار, بۇل جوبالاردى جٷزەگە اسىرۋ بارىسى تۇراقتى باقىلاۋدا بولادى", - دەدٸ بالاەۆا وكق بريفينگٸندە
جوبا باعىتتارىنىڭ بٸرٸ "ەل رۋحى" دەپ اتالادى. ول مەدەنيەت سالاسىنداعى قىزمەتتەردٸڭ قولجەتٸمدٸلٸگٸن ارتتىرۋعا, سونداي-اق وتاندىق مەدەني ٶنٸمدەردٸ شەتەلدە دامىتۋ جۇمىستارى بويىنشا شارالار كەشەنٸن بٸرٸكتٸرەدٸ.
بالاەۆانىڭ ايتۋىنشا, ول بويىنشا 250 جاڭا نىسان سالىنىپ, 1200 مەدەنيەت نىسانى كٷردەلٸ جٶندەۋدەن ٶتەدٸ. جوبا اياسىندا كينوپروكاتتاعى وتاندىق فيلمدەردٸڭ ٷلەسٸ 25 پايىزعا دەيٸن ٶسەدٸ. "قازاق انيماتسييا" شىعارماشىلىق بٸرلەستٸگٸ تاعى دا 40 انيماتسييالىق فيلم شىعارادى.
"اۋىل جەنە شالعاي ەلدٸ مەكەن تۇرعىندارىنىڭ 92,5 پايىزى مەدەنيەت سالاسىنىڭ قىزمەتتەرٸمەن قامتىلاتىن بولادى. جالپى, مەدەنيەت نىساندارىن ارالاۋدى ەكٸ ەسەگە, ال حالىقتىڭ مەدەنيەت سالاسىنداعى قىزمەت ساپاسىنا قاناعاتتانۋ دەڭگەيٸن 75 پايىزعا دەيٸن ارتتىرۋ جوسپارلانىپ وتىر", - دەدٸ مينيستر.
تاعى بٸر باعىت جاستاردى قولداۋعا ارنالعان. وسى باعدارلاما اياسىندا 800 مىڭ جاس وتباسى تۇرعىن ٷيمەن, بٸر ميلليونعا دەيٸنگٸ جاستار ەلەۋمەتتٸك قىزمەتتەرٸمەن قامتىلادى.
"تۇرعىن ٷي باعدارلامالارى بويىنشا جاس وتباسىلار ٷشٸن قارىزدار ٷلەسٸن 25 پايىزعا دەيٸن ارتتىرۋ, 1,5 ميلليون جاستاردى بۇقارالىق سپورتپەن جەنە ەكولوگييالىق جوبالارمەن قامتۋ. NEET كاتەگوريياسى دەپ اتالاتىن جاستاردى قولداۋ شارالارىنا ەرەكشە نازار اۋدارامىز, وندا بٸز ناقتى مٸندەت قويىپ, جۇمىسپەن قامتىلماعان جاستاردىڭ سانىن 5 پايىزعا دەيٸن ازايتامىز. 2025 جىلعا قاراي جاستاردىڭ مەملەكەتتٸك قولداۋ شارالارىنا قاناعاتتانۋ دەڭگەيٸ 80 پايىزعا دەيٸن ارتادى", - دەدٸ ايدا بالاەۆا.
