قازاقستاندا تٶتەنشە جاعداي رەجيمٸ كەزٸندە تٷرمەدەن 300-گە تارتا ادام بوساپ شىقتى, دەپ حابارلايدى "ۇلت اقپارات" قر ٸٸم قىلمىستىق-اتقارۋ جٷيەسٸ كوميتەتٸنە سٸلتەمە جاساپ.
«تٶتەنشە جاعداي رەجيمٸ كەزٸندە سوتتالعان 322 ادام ٷيٸنە ورالدى. ونىڭ ٸشٸندە 282 ادام قىلمىستىق-اتقارۋ جٷيەسٸ قىزمەتكەرلەرٸنٸڭ ٸلەسٸپ جٷرۋٸمەن تۇرعىلىقتى جەرٸنە جەتكٸزٸلدٸ. قالعانى تۋعان-تۋىستارىمەن كەتسە, كەيبٸرٸ ەلەۋمەتتەندٸرۋ ورتالىقتارى مەن قوعامدىق پانسيوناتتارعا ورنالاستىرىلدى», - دەدٸ كوميتەت تٶراعاسىنىڭ ورىنباسارى مەيرام ايۋباەۆ.
سوتتالعان, بٸراق تٷرمەدەن بوساتىلعان ادامداردى ٷيٸنە دەيٸن جەتكٸزٸپ تاستاۋ تۋرالى شەشٸم كارانتين كەزٸندەگٸ قوزعالىستىڭ كٷردەلەنۋٸنە بايلانىستى جەنە كوروناۆيرۋس ينفەكتسيياسىنىڭ تارالۋىن بولدىرماۋ ماقساتىندا قابىلدانعان.
«سونىمەن قاتار ونى تٷرمەدەن تٸكەلەي جٸبەرە سالسا, بٶتەن قالادا جۇمىسسىز قالىپ, قىلمىسقا قايتا بارۋى مٷمكٸن ەدٸ. ايتا كەتەرلٸگٸ, قر ٸشكٸ ٸستەر مينيسترٸنٸڭ بۇيرىعىمەن قىلمىستىق-اتقارۋ جٷيەسٸ كوميتەتٸ تج ۋاقىتىندا بوستاندىققا شىققان ادامداردى جەتكٸزٸپ سالۋ بويىنشا ارنايى الگوريتم بەكٸتكەن ەدٸ. ول ەلٸ دە كٷشٸندە. ەڭ بٸرٸنشٸ كەزەكتە ولاردىڭ بلوكپوستان ٶتۋ تەرتٸبٸ مەن ٶڭٸرلەردەگٸ جەدەل شتابتارمەن بٸرگە الىپ جٷرۋ باعدارلارى رەتكە كەلتٸرٸلدٸ. بوساتىلعاندارعا ٸلەسٸپ جٷرۋگە پروباتسييا قىزمەتٸنٸڭ ماماندارى تارتىلدى. ولار ٶز ٶڭٸرٸندەگٸ بلوكپوستار شەگٸندە ٸلەسٸپ جٷردٸ. جولدا تٷرمەدەن شىققان ازاماتتار تاماقپەن جەنە قورعانىس قۇرالدارىمەن قامتىلدى», - دەلٸنگەن كوميتەتتٸڭ حابارلاماسىندا.
مەسەلەن شىعىس قازاقستاندا تٷرمەدەن شىققان 187 ادام پروباتسييا قىزمەتٸنٸڭ ماماندارىنىڭ كٶمەگٸمەن كەدەرگٸسٸز ٷيٸنە ورالعان.
