2019 جىلدىڭ 3 ايىندا قازاقستاندا 300 مىڭنان استام اۆتوكٶلٸك تٸركەۋگە قويىلدى. بۇل تۋرالى «قازاۆتوٶنەركەسٸپ» اۆتوكٶلٸك سالاسىنداعى كەسٸپورىندار وداعى مەلٸم ەتتٸ, دەپ حابارلايدى "ۇلت اقپارات".
«ەسەپتٸ كەزەڭدە ەكٸمشٸلٸك پوليتسييا ورگاندارى تٸركەۋگە 323 988 اۆتوكٶلٸكتٸ قويدى. اتالعان كٶرسەتكٸش ٶتكەن جىلدىڭ سەيكەس كەزەڭٸنەن 13,8 پايىزعا ارتىق. ونىڭ ٸشٸندە 305 460-سى ەكٸنشٸ رەت تٸركەلگەندەر ٷلەسٸندە, ياعني بٸر ادامنان ەكٸنشٸ ادامنىڭ اتىنا اۋىستىرىلعان كٶلٸكتەر ساناتىنا جاتقىزىلدى. ٶسٸم 2018 جىلمەن سالىستىرعاندا 13,4 پايىزعا جەتتٸ. ال العاش رەت تٸركەلگەن كٶلٸك قۇرالدارىنىڭ سانى 18 528-دٸ قۇرادى. ول ٶتكەن جىلعىعا قاراعاندا, 21,1 پايىزعا جوعارى», - دەپ اتاپ كٶرسەتٸلگەن باسپاسٶز بايانىندا.
بيىلعى قاڭتار-ناۋرىزدا قازاقستان اۋماعىندا 4 ەلەكتروموبيل تٸركەلگەن ەكەن.
«قازاۆتوٶنەركەسٸپتٸڭ» حابارلاۋىنشا, ەسەپتٸ كەزەڭدە قايتا تٸركەلگەن كٶلٸكتەردٸڭ ٷشتەن ەكٸسٸنٸڭ استامىن (70,7 پايىزى) پايدالانۋ مەرزٸمٸ 10 جىلدان اسقان كٶلٸكتەر قامتىعان.
اتاپ ايتقاندا, 20 جىلدان اسقانداردىڭ ٷلەسٸ 131 882 (43,2 پايىز) بولسا, 11-دەن 20 جىلعا دەيٸنگٸلەر 27,5 پايىزدى (84 087 كٶلٸك) قۇرادى. ال 4-تەن 7 جىلعا دەيٸن - 60 597 (19,8 پايىز), 8-دەن 10 جىلعا دەيٸن - 18 088 (5,9 پايىز), 1-دەن 3 جىلعا دەيٸنگٸ كٶلٸكتەر سانى 10 322-گە جەتتٸ. سونىمەن قاتار, پايدالانۋ مەرزٸمٸ 1 جىلعا جەتپەگەن كٶلٸكتەردٸڭ ٷلەسٸ 0,2 پايىز (484 كٶلٸك) بولدى.
«كەلٸسٸمشارت رەسٸمدەرٸنە قاراعاندا, وتاندىق اۆتوپاركتٸڭ ەسكٸرۋٸنٸڭ ٷردٸسٸ ورىن العانىن بايقاتىپ وتىر», - دەلٸنگەن «قازاۆتوٶنەركەسٸپ» حابارلاماسىندا.
