فوتو: Stat.gov.kz
2025 جىلى قازاقستاندا تەمەكٸ شەگەتٸن ەرەسەكتەردٸڭ ٷلەسٸ 17,5%-دى قۇرادى. بۇل ٶتكەن جىلمەن سالىستىرعاندا ايتارلىقتاي تٶمەن — 2024 جىلى كٶرسەتكٸش 20,7% بولعان. بۇل تۋرالى ۇلتتىق ستاتيستيكا بيۋروسى جٷرگٸزگەن جىل سايىنعى زەرتتەۋدە ايتىلدى, دەپ حابارلايدى Ult.kz.
ساۋالناماعا ەلٸمٸزدٸڭ بارلىق وبلىستارى مەن ٷش ٸرٸ قالاسىنان (استانا, الماتى, شىمكەنت) 15 جاستان اسقان 12 000 ادامنىڭ جاۋابى نەگٸز بولعان. زەرتتەۋ ەرەسەك حالىقتىڭ تەمەكٸ تۇتىنۋ دەڭگەيٸن باعالاۋعا باعىتتالعان.
نەتيجەلەرگە سەيكەس, تەمەكٸ تارتاتىنداردىڭ كٶپشٸلٸگٸ — اۋىل تۇرعىندارى (19,1%), ال قالالاردا بۇل كٶرسەتكٸش 16,7%-دى قۇرايدى. تەمەكٸ شەگۋشٸلەردٸڭ 93,8%-ى — زاۋىتتا ٶندٸرٸلگەن كەدٸمگٸ تەمەكٸنٸ پايدالانادى.
گەندەرلٸك تۇرعىدا العاندا, تەمەكٸ تۇتىنۋشىلاردىڭ 34%-ى — ەرلەر, ال ەيەلدەر اراسىندا بۇل كٶرسەتكٸش نەبەرٸ 5%-دى قۇرادى.
زەرتتەۋ نەتيجەلەرٸ ەلدەگٸ شىلىم شەگۋگە قارسى جٷرگٸزٸلٸپ جاتقان شارالاردىڭ تيٸمدٸلٸگٸن كٶرسەتٸپ وتىر.
