Foto: Stat.gov.kz
2025 jyly Qazaqstanda temeki shegetin eresekterdiń úlesi 17,5%-dy qurady. Bul ótken jylmen salystyrǵanda aitarlyqtai tómen — 2024 jyly kórsetkish 20,7% bolǵan. Bul týraly Ulttyq statistika biýrosy júrgizgen jyl saiynǵy zertteýde aityldy, dep habarlaidy Ult.kz.
Saýalnamaǵa elimizdiń barlyq oblystary men úsh iri qalasynan (Astana, Almaty, Shymkent) 15 jastan asqan 12 000 adamnyń jaýaby negiz bolǵan. Zertteý eresek halyqtyń temeki tutyný deńgeiin baǵalaýǵa baǵyttalǵan.
Nátijelerge sáikes, temeki tartatyndardyń kópshiligi — aýyl turǵyndary (19,1%), al qalalarda bul kórsetkish 16,7%-dy quraidy. Temeki shegýshilerdiń 93,8%-y — zaýytta óndirilgen kádimgi temekini paidalanady.
Genderlik turǵyda alǵanda, temeki tutynýshylardyń 34%-y — erler, al áielder arasynda bul kórsetkish nebári 5%-dy qurady.
Zertteý nátijeleri eldegi shylym shegýge qarsy júrgizilip jatqan sharalardyń tiimdiligin kórsetip otyr.
