ٷكٸمەتتە سۋ تاسقىنىنا قارسى ٸس-شارالاردى ٷيلەستٸرۋ جەنە سۋ تاسقىنى كەزەڭٸنٸڭ زارداپتارىن جويۋ جٶنٸندەگٸ رەسپۋبليكالىق شتابتىڭ وتىرىسى ٶتتٸ, دەپ حابارلايدى "ۇلت اقپارات" ٷكٸمەتتٸڭ باسپاسٶز قىزمەتٸنە سٸلتەمە جاساپ.
شتاب جۇمىسى اياسىندا پرەمەر-مينيستردٸڭ ورىنباسارى – ۇلتتىق ەكونوميكا مينيسترٸ نۇرلان بايبازاروۆ تابيعي سيپاتتاعى تٶتەنشە جاعدايلاردان زارداپ شەككەندەرگە كەلتٸرٸلگەن زيياندى ٶتەۋگە قاراجات جەرگٸلٸكتٸ اتقارۋشى ورگاندار رەزەرۆٸندە كٶزدەلگەنٸن باياندادى.
“زالالدىڭ الدىن الا مٶلشەرٸن جەرگٸلٸكتٸ اتقارۋشى ورگاندار, ٶنەركەسٸپ جەنە قۇرىلىس, سونداي-اق تٶتەنشە جاعدايلار مينيسترلٸكتەرٸ ايقىندايدى. قوسىمشا قاجەتتٸلٸك تۋىنداعان جاعدايدا قارجىلاندىرۋ ٷكٸمەت رەزەرۆٸنەن قاراستىرىلادى”, - دەلٸنگەن حابارلامادا.
ٸس-ەرەكەت الگوريتمٸ:
- ماتەريالدىق زارداپ شەككەندەر تٶتەنشە جاعداي تۋىنداعان كٷننەن باستاپ كٷنتٸزبەلٸك 30 كٷن ٸشٸندە جەرگٸلٸكتٸ اتقارۋشى ورگاندارعا ماتەريالدىق زالالدى ٶتەۋ تۋرالى ٶتٸنٸش بەرەدٸ.
- جەرگٸلٸكتٸ اتقارۋشى ورگان ٶتٸنٸش تٸركەلگەن كٷننەن باستاپ 10 جۇمىس كٷنٸ ٸشٸندە كەلتٸرٸلگەن زالالدىڭ مٶلشەرٸن باعالايدى.
تۇرعىن ٷيٸ قاۋٸپتٸ دەپ تانىلعان زارداپ شەككەن ازاماتتاردىڭ تٸزٸمٸن جەرگٸلٸكتٸ ەكٸمدٸكتەر جاسايدى.
بۇعان دەيٸن اقتٶبە وبلىسىندا كٶكتەمگٸ سۋ تاسقىنى سالدارىنان كەلتٸرٸلگەن زالالدى انىقتايتىن ارنايى كوميسسييا جۇمىسىن باستاعانىن حابارلاعان ەدٸك.
"كوميسسييا ٶكٸلدەرٸ سۋ تاسقىنىنان قانشا ادامنىڭ زارداپ شەككەنٸن, قانشا ٷي مەن نىسانعا زاقىم كەلگەنٸن, بارلىق شىعىن كٶلەمٸن ەسەپتەپ, شەشٸم شىعارادى. ٷيٸ اپاتتى دەپ تانىلعان زارداپ شەككەن ازاماتتاردىڭ تٸزٸمٸن جاساۋعا جەرگٸلٸكتٸ ەكٸمدٸكتەر جاۋاپتى", - دەلٸنگەن وبلىس ەكٸمدٸگٸنٸڭ باسپاسٶز قىزمەتٸنٸڭ حابارلاماسىندا.
سونىمەن قاتار "قازاقستان حالقىنا" قورى ەلٸمٸزدەگٸ سۋ تاسقىنىنان زارداپ شەككەندەرگە 5 ملرد تەڭگە بٶلەدٸ. بۇل قاراجات ٷي سالۋعا جۇمسالادى.
